Курортны збор без… курорта

27.02.2011 - Новости

Курортны збор без… курорта

"У беларускім заканадаўстве паняцце «курорт» да цяперашняга часу не сфармулявана. Таму, на мой погляд, так званы курортны збор не зусім законны".

Чым адрозніваюцца курорты ад санаторыяў і дамоў адпачынку?

Слова «курорт» (ад нямецкіх «кur» – лячэнне і «ort» – месца) – гэта «мясцовасць, якая валодае прыроднымі лячэбнымі сродкамі (мінеральныя воды, гразі, спрыяльны клімат і іншыя) і неабходнымі ўмовамі для іх лячэбна-прафілактычнага прымянення». Так гавораць энцыклапедычныя слоўнікі.

А вось у беларускім заканадаўстве паняцце «курорт» да цяперашняга часу не сфармулявана. Таму, на мой погляд, так званы курортны збор не зусім законны. Тым больш, што на тэрыторыі нашай краіны курортаў у прамым сэнсе гэтага слова няма. Ёсць толькі санаторыі і дамы адпачынку санаторнага тыпу, якія выкарыстоўваюць мясцовую мінеральную ваду ці прывазныя лячэбныя гразі. Да таго ж, сапраўдны курорт павінен мець пэўную інфраструктуру, дзе, акрамя лячэбных працэдур, у абавязковым парадку прысутнічаюць рэстараны, кафэ, магазіны, тэатральныя і кінаканцэртныя залы.

Курортны збор уключаецца цяпер у кошт пуцёвак у санаторна-курортныя і аздараўленчыя ўстановы. Пуцёўкі набываюць грамадзяне Беларусі і шматлікія госці з краін СНД і далёкага замежжа – значыць, яны  з’яўляюцца плацельшчыкамі гэтага збору. Выплачваецца ён пры набыцці пуцёвак ці непасрэдна ў самім санаторыі. Вызваляюцца ад яго толькі тыя асобы, якія накіроўваюцца на аздараўленне і санаторна-курортнае лячэнне бяс-платна: інваліды Вялікай Айчыннай вайны, чарнобыльцы і некаторыя іншыя катэгорыі грамадзян.

Памер курортнага збору ўстанаўліваецца ў залежнасці ад віду і тыпу санаторна-курортнай ці аздараўленчай установы і не можа па заканадаўстве перавышаць трох працэнтаў кошту пуцёўкі. Дарэчы, слова «перавышаць» прадугледжвае і суму, меншую за тры працэнты. Аднак асабіста я не ведаю такога беларускага санаторыя ці дома адпачынку, дзе збор быў бы меншы.

Як правіла, курортны збор пералічваецца ў мясцовы бюджэт і, па логіцы, павінен накіроўвацца на развіццё санаторна-аздараўленчай базы мясцовых санаторыяў. Але чаму тады яны такія бедныя, напрыклад, на сучасныя трэнажоры ў спартыўных залах? Чаму ў іх такі малы асартымент спортінвентару? Ні разу я не чуў і не чытаў, што мясцовыя ўлады купілі свайму санаторыю новы велатрэнажор, зрабілі сінтэтычнае пакрыццё на валейбольнай пляцоўцы, абсталявалі шэзлонгамі і альтанкамі пляжную зону на беразе возера ці рэчкі за кошт сродкаў курортнага збору.

Думаецца, калі гэты славуты збор і павінен быць, дык яго неабходна накіроўваць у бюджэт самой санаторна-курортнай установы, якая і будзе вырашаць, на што патраціць грошы. Ну, а задача мясцовых улад – ажыццяўляць кантроль за гэтым працэсам.

Альберт БАГДАСАРАЎ,

прафесар геалогіі,

г. Брэст.

Источник: "Народная трибуна"

Рубрики: Активный Туризм Законодательство

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах