Віляйчанка Аўгіня Манцэвіч занесла на край зямлі табурэт

24.04.2011 - Новости

Віляйчанка Аўгіня Манцэвіч занесла на край зямлі табурэт

На Вогненнай Зямлі – самым паўднёвым архіпелагу Паўднёвай Амерыкі 17 красавіка закончыла свой шлях беларуская частка каманды міжнароднага праекта “З табурэтам да акіяна”

На Вогненнай Зямлі закончыўся міжнародны праект "З табурэтам да акіяна"

На Вогненнай Зямлі – самым паўднёвым архіпелагу Паўднёвай Амерыкі 17 красавіка закончыла свой шлях беларуская частка каманды міжнароднага праекта “З табурэтам да акіяна”. Сярод турыстаў-аўтастопераў была і віляйчанка Аўгіня Манцэвіч (блогерка ЖЖ Litota_).

Падарожжа пачалося крыху больш за год таму, калі беларусы, украінцы і расіяне стартавалі аўтаспынам з Нью-Ёрка ў бок Вогненай Зямлі. З сабой нашы землякі неслі табурэт з беларускай кухні, які планавалі ўстанавіць на месцы зліцця Ціхага і Атлантычнага акіянаў.

Праект носіць культурніцкі характар, таму па ўсім шляху вандроўныя музыкі ладзілі беларускія канцэрты, знаёмілі жыхароў краін, праз якія ішлі, з культурай і звычаямі беларусаў.

У балівійскай вёсачцы Карані Пампа, напрыклад, падарожнікі наладзілі для мясцовых індзейцаў сапраўдныя беларускія Каляды з Казой, зоркай і калядкамі.

Табурет 1

Расіяне і ўкраінцы ішлі асобнымі камандамі, але некалькі разоў іх маршруты перасякаліся, і яны праводзілі сумесныя акцыі.

“На шляху да мыса Горн, – напісала ў сваім інтэрнэт-блогу Аўгіня Манцэвіч, – мы праехалі аўтаспынам і прайшлі пешшу каля 30 тысячаў кіламетраў, пабывалі ў 14 краінах, вывучылі паўтары новыя мовы, сустрэлі кучу добрых людзей, пазнаёмілі іх з беларускімі народнымі песнямі, знайшлі добрых сяброў”.

Аднойчы сімвал “табурэтачнікаў” трапіў пад кола грузавіка, але настойлівыя ў дасягненні сваёй мэты беларускія падарожнікі сабралі і склеілі табурэт, які і быў урэшце ўсталяваны на краі зямлі.

Больш падрабязна аб праекце яго беларускія ўдзельнікі раскажуць “Рэгіянальнай газеце” пасля свайго вяртання на радзіму ў пачатку мая.

Сімвал праекту і проста карысная рэч:

табурет 2

Аўгіня Манцэвіч і Уладзь Юркоў (блогер Verasen):

табурет 3

Яны дайшлі!

табурет 4

Гамяльчук Уладзь Юркоў з табурэтам:

табурет 5

Даведка “РГ”. Аўгіня Манцэвіч. Нарадзілася ў 1985 годзе ў Вілейцы, скончыла вілейскую СШ №3, факультэт журналістыкі БДУ. Працавала ў СМІ Беларусі, Польшчы і Украіны. Удзельнік міжнароднага праекта “З табурэтам да акіяна”.

Мiкола Гайдук ("Рэгіянальная газета")

Фота Litota_

Рубрики: Активный Туризм Фоторепортаж

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах