Мы прывыклі бачыць фестывалі байкераў, таму здаецца, што скутарысты толькі зрэдку ездзяць па горадзе. Аднак арганізатар фестываля Алег Карцаў кажа, у Беларусі зараз каля 15 тысяч мотаролераў. І скутар-клуб – адзін з найстарэйшых – арганізаваны 11 год таму. Па меркаванні спадара Карцава, многія ўладальнікі скутараў пакуль не асацыююць сябе з асобнай субкультурай. “Наша мерапрыемства накіравана на тое, каб гэтыя людзі аб’ядноўваліся паміж сабой, каб у горадзе з’яўлялася больш скутарыстаў. Бо гэта сапраўды не проста вельмі зручны сродак перасоўвання, але і пэўная філасофія", – кажа ён.

Як праходзіў фэст – у нашым фотарэпартажы.

Некаторыя ўдзельнікі абралі касцюм рыцара.

 

Самаму малодшаму ўдзельніку фэста ўсяго сем год.

 

Год таму ў такіх самых строях маладыя на скутэрах спраўлялі вяселле.

 

Шлем – абавязковы атрыбут скутарыста, нават калі хочацца апрануць кацялок.

І сабака на скутары!

 

Хто сказаў, што на абцасах нельга кіраваць?

 

Фотажурналіст Антон Матолька дзякуючы скутару паспявае паўсюль.

 

У чаканні спадарожніка.

 

Для тых, хто хоча пракаціцца на крылах анёла.

 

Фестываль зацікавіў нават бабулек.

 

Алег Карцаў пачынае марафон па Мінску.

 

Калона накіроўваецца ў цэнтр.

 

Агулам больш за сто скутараў паўдзельнічала ў фестывалі. Удзельнікі паказалі сябе гораду, а таксама прадэманстравалі тэхніку ў парку імя Горкага. Там, дарэчы, прайшоў яшчэ і канцэрт.

"Горад нас заўважыў, – падсумаваў спадар Карцаў. – І гэта значыць, што наступным разам нас будзе яшчэ больш!"