Новыя турыстычныя маршруты распрацавалі ў Ганцавічах

17.08.2011 - Новости

Новыя турыстычныя маршруты распрацавалі ў Ганцавічах

Да Дня беларускай пісьменнасці турыстам прапануюць наведаць літаратурыня мясціны гэтага краю.

Да Дня беларускай пісьменнасці турыстам прапануюць наведаць літаратурыня мясціны гэтага краю.


Тры маршруты распрацаваў Ганцавіцкі цэнтр дзіцяча-юнацкага турызму і экскурсій. Першы звязаны з наведваннем вёскі Люсіна, дзе пачынаў свой працоўны і творчы шлях Якуб Колас. У мясцовай школе  ён працаваў настаўнікам і менавіта гэтай вёсцы прысвяціў аповесць "У Палескай глушы". Ужо дваццаць год тут працуе Літаратурна-этнаграфічны музей імя Я. Коласа.

Наступны маршрут - вёска Кукава. Тут турыстаў пазнаёмяць з жыццём і творчасцю Міхася Рудкоўскага. Паэт і перакладчык, ён у свой час настаўнічаў у Кукаўскай сямігодцы, пасля працаваў у  ганцавіцкай раённай газеце «Сялянская праўда».

Гасцей чакаюць і ў вёсцы Востраў. Адсюль пачнецца экскурсія па мясцінах Уладзіміра Марука, Іана Кірэйчыка, Віктара Гардзея. Спадар Градзей, дарэчы, толькі скончыў працу над кнігай "Ганцаўшчына: край легенд і талентаў народных". "У гэтай мясцовасці багата лясоў, дагэтуль добра развітыя народныя рамёствы, асабліва ткацтва, - кажа пісьменнік. - Калісьці на старадаўніх могілках пад Ганцавічамі паны з усёй Беларусі хавалі сваіх нябожчыкаў. Па легендзе, тут быў чароўны пясок. Турыстам я раю абавязкова наведаць вёску Вялікія Кругловічы - тут захаваліся помнікі дрыгавічам - велізарныя насыпаныя курганы".

Дарэчы, сёлета ў Ганцавіцкім раёне адкрыўся першы агратурыстычны комплекс "У гасцях у пані". Ягоным уладальнікам з'яўляецца СВК "Агарэвічы". Размяшчаецца комплекс на тэрыторыі былой панскай сядзібы роду Свяжынскіх-Апацкіх. Тут знаходзіцца гасцінічны домік на 9 месцаў, гаспадары прапаноўваюць харчаванне, экскурсійнае абслугоўванне і катанне на конях.

Традыцыйна Дзень беларускай пісьменнасці праводзіцца ў першую нядзелю верасня. Ужо
18 гадоў свята крочыць праз усю краіну. Упершыню яно прайшло ў Полацку ў 1994 годзе.

Рубрики: Внутренний Туризм

Страны: Беларусь


Комментарии

Аватар

17.08.2011 16:08
Родам з Ганцавічаў
ответить

У Ганцавічах турызм сапраўды развіты слаба. Добра, што пачалі хоць штосьці рабіць. З задавальненнем наведаем мясцовую аграсядзібу!

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах