Першая сталіца Вялікага княства Літоўскага, якая налічвае амаль 970 гадоў ад заснавання, будзе адзначаць свята 9-10 верасня.
Як паведамілі ў аддзеле культуры Навагрудскага райвыканкама, у праграме запланавана міжнародная навуковая канферэнцыя з удзелам вядомых беларускіх, польскіх, нямецкіх гісторыкаў, навукоўцаў, музейных супрацоўнікаў. А ў гісторыка-археалагічным музеі пройдзе выстава старых фотаздымкаў.
У суботу адбудзецца ўрачыстае адкрыццё юбілейнага памятнага знака, пройдуць канцэрты фальклорных калектываў і разгорнецца горад майстроў.
Вечарам чакаюць канцэртную праграму ад Нацыянальнага акадэмічнага аркестра пад кіраўніцтвам Міхаіла Фінберга.