Сем цудаў Беларусі па версii «Народнай газеты»

29.09.2011 - Новости

Сем цудаў Беларусі па версii «Народнай газеты»

Сем аб’ектаў, што занялі першыя радкі ў галасаванні чытачоў, нездарма апынуліся на  гэтых ганаровых месцах. Калі казаць пра кожны з цудаў, немагчыма не ўжыць словы «ўнікальны», «самы», «адзіны»

Як паведамляе «Народная газета»:

Сем аб’ектаў, што занялі першыя радкі ў галасаванні чытачоў, нездарма апынуліся на  гэтых ганаровых месцах. Калі казаць пра кожны з цудаў, немагчыма не ўжыць словы «ўнікальны», «самы», «адзіны».

Белавежская пушча — самы вялікі па плошчы кавалак рэліктавага першабытнага раўніннага лесу, які, згодна з даследаваннямі сучасных навукоўцаў, знаходзіўся ў дагістарычныя часы на тэрыторыі Еўропы. Сярэдні ўзрост лясоў Белавежскай пушчы складае больш за 100 гадоў, асобныя кавалкі лесу маюць узрост 250—350 гадоў. Белавежская пушча па ліку відаў раслін і жывёл не мае сабе роўных у Еўропе.

Брэсцкая крэпасць — на тэрыторыі крэпасці ў межах горада Брэста ў Беларусі адбыўся самы вядомы эпізод пачатку Вялікай Айчыннай вайны 1941—1945 гг. — подзвіг абаронцаў Брэсцкай крэпасці.

Нарач — самае вялікае і прыгожае возера ў Беларусі. З упэўненасцю можна казаць пра тое, што Нарач займае першае месца сярод азёр Беларусі па празрыстасці і чысціні вады.

Мірскі замак — гэта ўнікальны аб’ект, які мае найбольшую захаванасць у параўнанні з іншымі замкамі краіны. Замак-прыгажун — феномен захавання лепшых дасягненняў беларускага дойлідства. Нездарма ў 2000 годзе ён быў уключаны ў Спіс сусветнай спадчыны ЮНЕСКА. Можна сказаць, што, гледзячы на замак, вы бачыце саму гісторыю.

Сафійскі сабор, пабудаваны на высокім беразе Заходняй Дзвіны ў сярэдзіне ХІ стагоддзя, з’яўляецца адным з самых ранніх храмаў Старажытнай Русі.

Бернардзінскі касцёл у Будславе — адзін з унікальных культавых комплексаў краіны. У касцёле захоўваецца напісаны ў 1598 годзе абраз, падараваны Папам Рымскім Кліментам XVIII. У капліцы св. Варвары, узведзенай пры будаўніцтве храма ў 1643 годзе, захаваўся ўнікальны драўляны алтар. Улічваючы гісторыю і ролю храма ў жыцці беларускіх каталікоў, Папа Рымскі Іаан Павел II у 1994 годзе прысвоіў касцёлу ў  Будславе  тытул «базіліка малая».

Бабруйская крэпасць доўгі час пасля свайго з’яўлення лічылася адной з самых моцных і непрыступных крэпасцей Расійскай імперыі, яна стаяла ў шэрагу першакласных ваенных умацаванняў краіны. Крэпасць з’явілася на развалінах старажытнага замка ў перыяд паміж 1807—1836 гг.

Рубрики: Рейтинги

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах