Шведскія школьнікі наведалі Браслаў

17.10.2011 - Новости

Шведскія школьнікі наведалі Браслаў

Нашых замежных гасцей цікавіла культура краіны, яе традыцыі і гісторыя

Як паведамляе "Браслаўская звязда":

Браслаўская гімназія супрацоўнічае як са школамі вобласці, рэспублікі, так і замежжа. Нашы вучні не раз былі ў Пінску, Ігналіне, Векшы (Швецыя) і іншых гарадах. Вучэбны год толькі пачаўся, а ў нас ужо з’явіліся новыя замежныя сябры.

У праекце трох краін – Беларусь – Літва – Швецыя – прынялі ўдзел нашы гімназісты і настаўнікі. Беларускай групай кіравалі педагогі гімназіі М. Дароніна і В. Жылевіч.

Спачатку дзеці размясцілі свае фатаграфіі і анкеты ў інтэрнэце, каб пазнаёміцца з іншымі ўдзельнікамі праекта, была наладжана сумесная відэаканферэнцыя. А потым замежныя госці завіталі да нас. Пра сустрэчу, экскурсіі і сам праект падрабязней раскажа Мая Дароніна.

– Мая Мяфодзьеўна, як прайшла першая сустрэча? Наколькі ведаю, нашы гімназісты вельмі хваляваліся.

– У кожнага ўдзельніка беларускай групы ў сям’і павінны былі жыць па адным прадстаўніку з Літвы і Швецыі, з якімі яны загадзя пазнаёміліся і наладзілі сяброўскія адносіны. Усе з нецярплівасцю чакалі прыезду гасцей. І як толькі тыя перасеклі мяжу, нашы хлопцы і дзяўчаты сустрэлі іх плакатамі і сяброўскімі прывітаннямі.

– Асноўнай мэтай прыезду быў праект. Раскажыце пра яго.

– Нашых замежных гасцей цікавіла культура краіны, яе традыцыі і гісторыя. Дзеці працавалі ў групах па шэсць чалавек, па два з кожнай краіны. Яны абмяркоўвалі пытанні адукацыі і культуры. Такая форма работы была для іх цікавай і карыснай.

Наступная наша сустрэча, якую чакаюць усе дзеці, пройдзе ў швецкім горадзе Векшы. А праект толькі ўмацуе сяброўскія адносіны трох краін. Калі будзе сябраваць моладзь, у свеце будзе  мірна і спакойна.

bellitswe_57

– Акрамя праекта, удзельнікаў чакала вялікая колькасць экскурсій, работа ў групах, спартыўныя мерапрыемствы. Што здзівіла, спадабалася замежным гасцям?

– Прыемна ўразіла цеплыня, гасціннасць і сяброўскія адносіны як у сем’ях, так і ў гімназіі. У першы дзень было знаёмства з краінамі праз прэзентацыі. Акрамя гэтага, беларуская група яшчэ і канцэрт з народнымі песнямі, танцамі падрыхтавала, які госці глядзелі са здзіўленнем і захапленнем.

На экскурсіях па славутасцях нашага раёна замежныя госці наведалі касцёл у агр. Слабодка, гару Маяк, з задавальненнем паглядзелі на дзікіх жывёл у вальерах. Прыемна здзівіў гасцей і канцэрт у музычнай школе, на якім гучалі песні розных народаў. Больш за ўсё усхвалявала экскурсія па Хатыні. Дзеці задавалі шмат пытанняў, з цікавасцю слухалі яе гісторыю.

А музей у Строчыцах паглыбіў веды пра побыт беларусаў і гісторыю нашай краіны. Вяртаючыся дадому, нягледзячы на стомленасць, усе ўдзельнікі спявалі песні ды яшчэ і прытанцоўвалі. Было зразумела: мы – сябры.

Наталля Станкевіч,

вучаніца 11 класа Браслаўскай гімназіі

Рубрики: Международное Сотрудничество

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах