Як паведамляе «
Пракуратура выявіла цэлы шэраг парушэнняў, якія могуць спыніць існаванне адзінага ў Беларусі прыватнага аэраклуба.
Сярод іх – парушэнне правіл арэнды замацаваных за клубам памяшканняў і адсутнасць кантролю з боку гродзенскага фонду дзяржмаёмасці.
Падставай для праверкі сталі шматлікія парушэнні бяспекі падчас скокаў з парашутам, якія цягам апошніх гадоў прывялі да некалькіх няшчасных выпадкаў.
Так, у 2010 годзе, на святочным выступленні парашутыст падчас прызямлення сутыкнуўся з гледачамі, якія атрымалі пашкоджанні.
У 2011 годзе ўжо самі парашутысты неаднойчы атрымлівалі траўмы.
Прадстаўнікі клуба кажуць, што выяўленыя памылкі будуць выпраўленыя, аднак парашутысты заўважаюць, што падобнае можа паўтарыцца, бо ў клуба на дадзены момант вельмі зношаная матэрыяльная база, а перад скачком ладзяцца толькі так званыя хуткія інструктажы, з-за чаго няшчасныя выпадкі могуць паўтарацца.
Гродзенскі аэраклуб як грамадскае аб’яднанне існуе на базе старога аэрапорта каля возера Юбілейнае непадалёк ад Гродна ўжо 20 гадоў.
Па выходных тут можна скочыць з парашутам з вышыні 600 і 3000 м.
Апроч гэтага, аэраклуб мае два паветраных шары, на якіх за грошы можна пакатацца.