Экскурсія па залах бібліятэкі скончылася для студэнтаў Гродзенскага ўніверсітэта імя Янкі Купалы вялізным расповедам пра незвычайныя турыстычныя маршруты Гродзеншчыны.

Намесніца дырэктара фірмы «Мерцана» Ганна Шарэнда адзначыла, што іх фірма ў першую чаргу прапануе жыхарам і турыстам незвычайныя туры па горадзе:

– Мы, можна сказаць, «прадаем» Беларусь.

Але набываюць туры збольшага не беларусы: некалькі тыдняў таму прыязджалі дзеткі з адной літоўскай школкі, што носіць імя Ажэшкі. Іх цікавіла ўсё, што ёсць на Гродзеншчыне, звязанае са знакамітай пісьменніцай.

Палякаў на Гродзеншчыне цікавіць польскасць: гэта і Ажэшка, і Міцкевіч, і Касцюшка.

Беларусы сваёй краінай цікавяцца мала.

Асноўнымі тэмамі сённяшняй лекцыі для студэнтаў былі: «Апошняя крэпасць Расійскай імперыі», «Экалагічныя сцежкі», «Міжканфесійны Гродна».

Напрыканцы лекцыі студэнты паўдзельнічалі ў віктарыне і атрымалі невялічкія прызы.

Андрэй Мялешка