У Горках знясуць дом, у якім жыў Максім Гарэцкі. Будынак замінае правядзенню «Дажынак-2012»

13.12.2011 - Новости

У Горках знясуць дом, у якім жыў Максім Гарэцкі. Будынак замінае правядзенню «Дажынак-2012»

Улады з домам Гарэцкага, па закону, напэўна, могуць рабіць што захочуць. Будынак не ўваходзіць у афіцыйны спіс гістарычнай спадчыны

Як паведамляе партал Horki.info:

Будынак нібыта замінае праекту ўпарадкавання берагавой лініі Ніжняга возера да «Дажынак» 2012 года.

Класік айчыннай літаратуры пражыў на другім паверсе дома па адрасе вул. Акадэмічная, 3 у кватэры нумар 5 усяго два гады – з 1926 па 1928-ы. У Горках Гарэцкі працаваў загадчыкам кафедры беларускай мовы, літаратуры і гісторыі сельгасакадэміі. У пачатку 90-х мінулага стагоддзя ў былой кватэры беларускага генія меўся размесціцца музей. Але пазней было вырашана пакінуць памяшканне новым жыхарам. Музей Гарэцкага зрабілі ў чацвёртым корпусе БДСГА.

Дом жа застаўся на ўспамін. Пра тое, што тут некалі жыў Гарэцкі, можна даведацца з шыльды, размешчанай на сцяне будынка. Аднак бліжэйшым часам дом знясуць. Пра гэта расказалі яго жыхары. Іх ужо папярэдзілі пра знос і пра тое, што ўсім дадуць новыя кватэры ў іншай частцы горада.

Улады з домам Гарэцкага, па закону, напэўна, могуць рабіць што захочуць. Будынак не ўваходзіць у афіцыйны спіс гістарычнай спадчыны. Толькі вось з помнікам Леніну, які да «Дажынак» прыбяруць з галоўнай плошчы горада, у Горках збіраюцца абысціся больш гуманна.

Каменны істукан не разаб’юць у друзачкі, як дом зоркі беларускай літаратуры, а беражліва перанясуць у іншае месца – па «просьбах трудяшчыхся», напэўна.

Рубрики: В Фокусе Проблемы

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах