Калядная імпрэза ў МЗС

08.01.2012 - Новости

Калядная імпрэза ў МЗС

Паводле добрай традыцыі, ужо трэці год запар міністр культуры нашай краіны Павел Латушка, а таксама студэнты Беларускага дзяржаўнага ўніверсітэта культуры і мастацтваў прымаюць удзел у традыцыйным святкаванні Каляд у шэрагу міністэрстваў і дыпламатычных місій

Як паведамляе «Культура»:

Паводле добрай традыцыі, ужо трэці год запар міністр культуры нашай краіны Павел Латушка, а таксама студэнты Беларускага дзяржаўнага ўніверсітэта культуры і мастацтваў прымаюць удзел у традыцыйным святкаванні Каляд у шэрагу міністэрстваў і дыпламатычных місій.

Як падкрэсліў Павел Латушка, у гэтым шэрагу вельмі важнае месца займае Міністэрства замежных спраў, паколькі шмат у чым спрыяе захаванню і папулярызацыі айчыннай культурнай спадчыны ва ўсім свеце.

Яскравым прыкладам такой супольнай дзейнасці стала сусветнае прызнанне абраду вёскі Семежава Капыльскага раёна «Калядныя цары», які быў унесены ў Спіс нематэрыяльнай спадчыны UNESCO. Да таго ж, як адзначыў міністр культуры, цяпер вядзецца актыўная праца над ажыццяўленнем і іншых падобных праектаў.

Павел Латушка выказаў спадзяванне, што пры падтрымцы Міністэрства замежных спраў пра беларускую нематэрыяльную спадчыну даведаюцца ва ўсіх кутках нашай планеты. Усяго ж, па словах міністра, у Дзяржаўны спіс гісторыка-культурных каштоўнасцей ужо ўнесена 56 аб'ектаў нематэрыяльнай спадчыны. «Але галоўнае, што мы сёння імкнёмся захаваць тыя традыцыі, што прыйшлі ад нашых продкаў, – адзначыў Павел Латушка. – Вельмі важна, каб мы разумелі, што маем багатую народную спадчыну, якую абавязаны зберагчы разам». 

У сваю чаргу міністр замежных спраў нашай краіны Сяргей Мартынаў падкрэсліў, што істотны ўклад у справу захавання народнай культуры ўносяць выкладчыкі і студэнты Беларускага дзяржаўнага ўніверсітэта культуры і мастацтваў, у сувязі з чым заклікаў рознабакова падтрымліваць іх ініцыятывы ў гэтым кірунку.

8_1

Святочную ж атмасферу стваралі аўтэнтычныя народныя спевы, танцы і гульні ў выкананні студэнтаў БДУКіМ. Пад іх у каляднай дзеі ўдзельнічалі міністр культуры Павел Латушка, міністр замежных спраў Сяргей Мартынаў, супрацоўнікі МЗС, а таксама рэктар Беларускага дзяржаўнага ўніверсітэта культуры і мастацтваў Барыс Святлоў.

Акрамя таго, на памяць аб мерапрыемстве і з нагоды аднаго з галоўных хрысціянскіх святаў міністры двух ведамстваў абмяняліся каляднымі падарункамі.

Канстанцін АНТАНОВІЧ

Фота Юрыя Іванова

Рубрики: Праздники

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах