У Беларусі будзе створаны «Нацыянальны пантэон»

12.01.2012 - Новости

У Беларусі будзе створаны «Нацыянальны пантэон»

Перагледзець беларускую гісторыю і стварыць сапраўдны нацыянальны пантэон — вельмі цяжкая, але неабходная задача для Беларусі, лічаць актывісты грамадскай кампаніі «Гісторыя, якой няма ў падручніках» і ГА «Беларуская жаночая ліга»

Перагледзець беларускую гісторыю і стварыць сапраўдны нацыянальны пантэон — вельмі цяжкая, але неабходная задача для Беларусі, лічаць актывісты грамадскай кампаніі «Гісторыя, якой няма ў падручніках» і ГА «Беларуская жаночая ліга».

Яны разам з экспертамі-гісторыкамі вырашылі скласці свае спісы найвыбітнейшых асоб, з якіх у хуткім часе і будзе створаны пантэон беларускіх герояў. Карэспандэнт «НН»   адправіўся на першае пасяджэнне, прысвечанае стварэнню пантэона.

Беларусы бунтуюць супраць сацыяльна-псіхалагічнай мадэлі «тыповага беларуса», якая ўкаранілася ў свядомасці. Як паказваюць дадзеныя сацыялагічнага апытання агенцтва «Новак», беларусы зусім не лічаць сябе памяркоўнымі і сціплымі — афіцыйны вобраз гаспадара «хаты з краю» выклікае ў людзей раздражненне. Пры гэтым узровень ведання гісторыі і гістарычных персаналій у грамадстве невысокі, адзначылі ўдзельнікі сустрэчы. Другім па папулярнасці пасля Францыска Скарыны, паводле даследавання, ідзе Пятро Машэраў. Узгадваюць, але радзей, Еўфрасінню Полацкую, Усяслава Чарадзея, Льва Сапегу. Часам кажуць пра Мазурава, а то і ўвогуле пра Пуціна.

Cтварэнне пантэона мусіць змяніць сітуацыю, лічаць ініцыятары. Як папулярызаваць пантэон?

Пасля выхаду мультфільма «Будзьма беларусамі!» стала відавочна, што адзін пяціхвілінны відэаролік можа зацікавіць больш людзей, чым некалькі салідных манаграфій.

Гісторыкі прыйшлі да высновы, што, напрыклад, гістарычныя анекдоты і проста гісторыі, якія цікава распавядаць, дадуць больш плёну, чым узгадкі пра знакамітую «гаротнасць», якая вяртае нас усё да таго ж «тыповага беларуса», якога людзі ўспрымаюць, але быць якім ні ў якім разе не хочуць.

Стваральнікі пантэона плануюць супрацоўніцтва з відэааператармі, з fm-радыёстанцыямі, а таксама правядзенне семінараў і лекцый у рэгіёнах — на такіх лекцыях будуць узгадвацца не толькі асобы агульнанацыянальнага маштабу, але і «лакальныя» славутасці, якія, як паказвае практыка, выклікаюць у людзей большую цікавасць.

Асобна ад пантэона варта ўзгадаць і пра антыгерояў Беларусі, якіх таксама набралася б багата. Пакуль жа эксперты, сярод якіх Уладзімір Арлоў, Захар Шыбека, Ігар Кузняцоў, Анатоль Тарас, складаюць свае спісы.


Рубрики: Общество

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах