З канца ХVIII стагоддзя ў Арэнбургскім краі, у самым сэрцы Расіі, існуе сусветна вядомае рамяство «Арэнбургскі пуховы платок». Арэнбургскі пуховы платок – назва зборная. Гэта цёплы цяжкі платок-шаль і тонкі лёгкі, ажурны – «павуцінка». У дзіўнай згодзе злучыліся ў іх унікальныя асаблівасці пуху мясцовай пароды коз і народнае разуменне прыгажосці, гармоніі і парадку. Нідзе ў свеце няма такіх цёплых, лёгкіх і тонкіх ажурных платкоў.

Як і 200 гадоў назад, усе аперацыі па вырабе выконваюцца ўручную. Жанчыны грэбнем чэшуць коз, на верацяне прадуць нітку і ўручную на спіцах вяжуць. Еўрапейская публіка ўпершыню пазнаёмілася з арэнбургскімі платкамі ў 1851 годзе на першай сусветнай выставе ў Лондане. Ужо тады яны звярнулі на сябе ўвагу і былі ўганараваны адмысловымі ўзнагародамі. У 1862 годзе на другой Сусветнай выставе ў Лондане і 1897 годзе ў Чыкага арэнбургскія платкі былі адзначаны медалямі.

 У 1958 годзе ў Брусэлі арэнбургскія майстрыхі атрымалі Вялікі срэбны медаль. Арэнбургскія пуховыя платкі экспанаваліся на Сусветных выставах у Канадзе і Японіі, на міжнародных кірмашах у Алжыры, Сірыі, Грэцыі, Францыі, Англіі, Аўстрыі, Іспаніі, Індыі, Германіі, Швейцарыі. У межах выставы супрацоўнікі Арэнбургскага абласнога музея выяўленчых мастацтваў правядуць для гасцей выставы майстар-клас па вязанні арэнбургскага пуховага платка.