Кампанія «Цытуй сваё» распачала збор сродкаў для выдання зборніка цытат

27.11.2015 - Новости

Кампанія «Цытуй сваё» распачала збор сродкаў для выдання зборніка цытат

Кампанія «Цытуй сваё» распачала збор сродкаў для выдання зборніка цытат праз платформу «Талакошт». Кампанія заклікае беларусаў уключыцца ў супольную «матэрыялізацыю» нашага культурнага і інтэлектуальнага скарбу.

Кампанія «Цытуй сваё» стартавала ў маі 2015 года. Шэраг інстытуцый грамадзянскай супольнасці ды адукацыйных устаноў — Міжнародны кансорцыум «ЕўраБеларусь», грамадская кампанія «Будзьма беларусамі!», Лятучы ўніверсітэт, Беларускі саюз дызайнераў, «Мова Нанова» — такім чынам звярнулі ўвагу беларусаў на тое, што мысленне – гэта самаразуменне нацыі, шляхі асэнсавання яе сутнасці ды прызначэння. Думка мае характар пераемнасці. Аднак апошнім часам мы сталі «нацыяй склеротыкаў», быццам цалкам забыўшыся на тое, што было перад намі. Мы нанова спрабуем адказаць на тыя самыя пытанні, нягегла фармулюем нанова бліскуча сфармуляванае да нас, паўтараем тыя самыя памылкі і вынаходзім ужо вынайдзенае.

Кампанія «Цытуй сваё» заклікала беларусаў згадаць найлепшыя ўзоры беларускай думкі і прадставіць іх шырокай публіцы. Падчас кампаніі арганізатары атрымалі больш за 250 цытат розных беларускіх мысляроў, літаратараў, навукоўцаў і гістарычных дзеячаў. Была створана галерэя дызайнерскіх цішотак. Склаўся фан-клуб беларускай думкі. Наступны крок кампаніі — выданне «Цытатніка беларускага мыслення».

Ён будзе мець кішэнны фармат і прывабны выгляд. А гэта значыць, што:

  • «Цытатнік» стане зручным спадарожнікам па дарозе ў вандроўку ці на працу. З ім згадваць слушныя думкі і мысліць разам з выбітнымі беларусамі можна будзе дзе заўгодна.
  • «Цытатнік» будзе цудоўным падарункам як для аматараў беларушчыны, так і для тых, хто з беларускай культурай яшчэ не знаёмы. Няхай сустрэча з ёй пачнецца з найлепшых узораў думкі.
  • «Цытатнік» зойме годнае месца ў любой бібліятэцы, бо адразу будзе і сховішчам думкі, і даведнікам з гісторыі культуры і ідэй.

Важна, каб выданне «Цытатніка» стала такой жа народнай справай, як і збор слушных думак і вобразаў.

Кампанія «Цытуй сваё» заклікае ўсіх, каму важна працягнуць ланцужок беларускай думкі і ўзбагаціць нашу культурную прастору, далучыцца да стварэння «Цытатніка» справай і грашыма!

Збор сродкаў і прапаноў пра супрацоўніцтва ідзе на платформе «Талакошт».

Ведай думкі папярэднікаў!

Пагаджайся альбо спрачайся з імі!

Цытуй сваё!

Рубрики: Общество

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах