Пінск часоў Кастуся Каліноўскага намалявалі на апоры старога моста

28.08.2014 - Новости

Пінск часоў Кастуся Каліноўскага намалявалі на апоры старога моста

Беларусь – краіна старажытная, і пра гэта не варта забываць. Так лічыць мастак Яўген Сасюра, што размаляваў апору старога моста ў Пінску. Афіцыйна, з дазволу мясцовых уладаў. На пейзажы – краявід з берагу рэчкі Піны часу паўстання Кастуся Каліноўскага, паведамляе Belsat.eu.

ЯЎГЕН САСЮРА, ВУЛІЧНЫ МАСТАК:
«Старыя апоры – гэта таксама частка гісторыі, і тут, мяркую, нічога акрамя гістарычнай тэмы і не падыдзе».

На гэты твор, больш падобны не на графіці, а на манументальнае мастацтва, пайшло 5 дзён. З фарбаю дапамаглі спонсары, але мастак працаваў бясплатна. І гатовы працягнуць гістарычна-вулічную творчасць.

ЯЎГЕН САСЮРА, ВУЛІЧНЫ МАСТАК:
«Хочацца, каб людзі ведалі, якім горад быў раней, каб ганарыліся, памяталі, ведалі, што тут было да нас».

Пінчукі відавочна задаволеныя.

ЖЫХАРЫ ПІНСКА:
«Вельмі прыгожа. Адразу захацелася, каб і там таксама быў малюнак».
«Ідзе кожны мінак і звяртае на гэта ўвагу. І гэта ўся гісторыя пінская, і ўсе мусяць яе берагчы і захоўваць».


Аднак не ўсе берагуць і захоўваюць гістарычны Пінск. Старыя будынкі, што маглі б стаць турыстычнай адметнасцю горада, знікаюць адзін за адным. Савецкая традыцыя – гэтак у 1950-я гады Пінск згубіў знакаміты касцёл Святога Станіслава.

ЖЫХАРЫ ПІНСКА:
«Тое, што знеслі святыню на плошчы, гэта нейкі акт вандалізму, я лічу».
«Сыходзіць стары горад, і прыходзіць на змену зусім іншы Пінск. Не той, які мы бачылі з дзяцінства».


Але памяць пра стары горад вартая захавання. Нават на апоры старога моста.

Марцін Ярскі, «Аб’ектыў»

Рубрики: Экскурсоводам

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах