<p>З 6 ліпеня падача дакументаў у Візавым цэнтры Літвы ў Мінску, што на вуліцы Чыгуначнай, 33 (бізнэс-цэнтр «Плаза», ст. метро «Міхалова») цяпер ажыццяўляецца толькі паводле папярэдняга запісу, паведамляецца ў самім цэнтры або на <a href="http://www.vfsglobal.com/lithuania/belarus/Schedule_an_Appointment.html" target="_blank">яго сайце</a>.</p>

Да сённяшняга дня падача дакументаў ажыццяўлялася паводле жывой чаргі з наяўнасці электроннага талона (як у банках).

Кошт паслуг у падачы дакументаў – каля 346 тыс. рублёў (дзецям да 12 гадоў бясплатна). Нагадаем, што з 23 чэрвеня для падачы дакументаў на візы (з узросту 12 гадоў) неабходна здаваць адбіткі пальцаў.

Дадамо, што ў гэтым памяшканні таксама працуюць візавыя цэнтры Іспаніі, Венгрыі, Харватыі, Даніі, і з прыходам лета значна вырасла колькасць наведвальнікаў. Напрыклад, 2 ліпеня Візавы цэнтр быў літаральна бітком набіты.

nn.by