На выстаўцы глядач сустрэне для сябе шмат нечаканага і цікавага: сама дзіцячая творчасць як яна ёсць, манера яе выканання і спосаб экспанавання. Акрамя таго, будуць прадстаўлены архіўныя матэрыялы (відэа, фота, тэксты), а таксама аўдыясповеды дзяцей.

Пры падтрымцы кампаніі Samsung будзе створана ўнікальная інсталяцыя карты горада вачамі дзіцяці.

Праект «Штучны адбор» – гэта таксама спроба агучыць шэраг сацыяльна-культурных з'яў, якія ўзнікаюць пры ўзаемадзеянні дзяцей і дарослых. Дзіцяці не трэба стаяць у чарзе за права і ўменне размаўляць нароўне з дарослай прафесійнай супольнасцю – аўтэнтычная творчасць дзяцей не з'яўляецца менш значнай, яна валодае сваім унікальным сродкам адлюстравання паўсядзённасці і мовай маўлення.