Мастак прадставіць створаныя на працягу двух апошніх гадоў пейзажы і сюжэтныя кампазіцыі.
Аляксандр Варакса нарадзіўся ў 1962 годзе ў Феадосіі. У васьмігадовым узросце пераехаў у Беларусь. Пасля заканчэння мастацка-графічнага факультэта Віцебскага дзяржаўнага педагагічнага інстытута выкладае выяўленчае мастацтва ў Лідзе. Сябра Саюза мастакоў Беларусі. Апошняя персанальная выстава Аляксандра Вараксы ў Гродне праходзіла ў 2006 годзе.
Вернісаж адбудзецца 13 лютага а 17-й гадзіне.
Выстава будзе працаваць да 5 сакавіка.