Карын Дэамброзіс – вядомы французскі фатограф, няштатны супрацоўнік аддзела антычнасці Луўра, удзельнік шэрагу праектаў і выстаў у Францыі, Іспаніі, Бельгіі і ЗША. Беларускаму гледачу будзе цікава пазнаць, што К. Дэамброзіс з'яўляецца рэзідэнтам знакамітага «Вулля», дзе пачыналі сваё ўзыходжанне да славы нашы знакамітыя суайчыннікі – Марк Шагал, Хаім Суцін, Восіп Цадкін і іншыя.
Выстава Карын Дэамброзіс у Нацыянальным гістарычным музеі Рэспублікі Беларусь – першая на тэрыторыі Усходняй Еўропы.
30 чэрвеня а 15-й гадзіне, напрыканцы працы выставы, адбудзецца майстар-клас спадарыні Карын Дэамброзіс па тэме музейнага фатаграфавання.