<p><strong>Мінскі гарадскі выканаўчы камітэт, Музычны Дом «Класіка» і турыстычная кампанія «Віаполь» аб’яўляюць конкурс двайнікоў Станіслава Манюшкі.</strong></p>
<p><strong>Правілы</strong> <strong>і</strong> <strong>ўмовы</strong> <strong>правядзення </strong><strong>конкурсу на по</strong><strong>шук</strong><strong> дв</strong><strong>а</strong><strong>йн</strong><strong>і</strong><strong>ка Стан</strong><strong>і</strong><strong>слава Манюшк</strong><strong>і</strong><strong>:</strong></p>

<ol>
    <li>Да ўдзелу ў конкурсе запрашаем мужчын любога ўзросту.</li>
    <li>Неабходна валодаць фізічнымі дадзенымі, знешне сапраўды падобнымі да Станіслава Манюшкі (выявы яго выгляду ў пункце 9).</li>
    <li>Заяўкі прымаюцца на электронную скрыню: <a href="mailto:info@viapol.by">info@viapol.by</a>.</li>
    <li>Заяўкі прымаюцца да 17 гадзін 2 верасня 2016 года ўключна.</li>
    <li>Неабходна даслаць адзін або некалькі фотаздымкаў без рэтушы, можна ў акулярах, можна без іх, прыкладна так, як на выявах Станіслава Манюшкі, што захаваліся да нашых дзён.</li>
    <li>Тэрміны правядзення конкурса: 26.08 – 02.09.2016 г.</li>
    <li>Канчатковае рашэнне журы адбудзецца ўвечары 2 верасня (да ўвагі журы прымае не толькі падабенства твару, але і падабенства агульнага вобразу сучаснага чалавека да выяў Станіслава Манюшкі, што захаваліся: гэта і адзенне, і акуляры. Лепш за ўсё зрабіць сучасны фотаздымак, максімальна адпаведны старой выяве кампазітара).</li>
    <li>Пераможца атрымае ў падарунак 2-дзённую паездку ад турыстычнай кампаніі «Віаполь» на дзве персоны «<a href="http://www.viapol.by/assembly/d.2.htm">АLBARUTHENIA: Гродна</a><span style="font-family: 'Trebuchet MS'; line-height: normal;">—</span><a href="http://www.viapol.by/assembly/d.2.htm">Ліда, 2 дні</a>» (Ліда – Гродна – Каробчыцы) – транспарт, экскурсіі, а таксама сняданкі і абеды, начлег у атэлі, музеі ў гарадах уваходзяць у падарачны пакет.</li>
    <li>Выявы кампазітара – глядзіце побач.</li>
</ol>

<p><img alt="" src="http://www.tio.by/datas/users/37/%D0%9C%D0%BE%D0%BD%D1%8E%D1%88%D0%BA%D0%BE/1.jpg" style="width: 407px; height: 510px;" /></p>

<p><img alt="" src="http://www.tio.by/datas/users/37/%D0%9C%D0%BE%D0%BD%D1%8E%D1%88%D0%BA%D0%BE/2%20(1).jpg" style="width: 474px; height: 710px;" /></p>

<p><img alt="" src="http://www.tio.by/datas/users/37/%D0%9C%D0%BE%D0%BD%D1%8E%D1%88%D0%BA%D0%BE/5%20(1).jpg" style="width: 474px; height: 621px;" /></p>

<p><strong>Склад журы:</strong></p>

<ul>
    <li>Віктар Скарабагатаў (заслужаны артыст Рэспублікі Беларусь, прафесар, стваральнік мастацкага калектыву «Беларуская капэла»),</li>
    <li>Галіна Патаева (кандыдат геаграфічных навук, дырэктар турыстычнай кампаніі «Віаполь»),</li>
    <li>Аляксандр Чахоўскі (імпрэсарыё, заснавальнік і кіраўнік праекта Музычны Дом «Класіка»),</li>
    <li>Алена Радзіонава (мастацкі кіраўнік дзяржаўнай установы «Мінскканцэрт»)</li>
    <li>Глеб Лабадзенка (журналіст, даследчык).</li>
</ul>

<p><strong>3 верасня у 13.30 ля мінскай гарадской ратушы адбудзецца святочны баль у стылі </strong><strong>XIX</strong><strong> стагоддзя ў гонар славутага мінчука – кампазітара Станіслава Манюшкі. Гонар адкрыцця гэтага балю будзе належаць пераможцы конкурсу!</strong></p>

<p><strong>P</strong><strong>.</strong><strong>S</strong><strong>. Манюшка вяртаецца ў Мінск!</strong></p>

<p>Увесь тыдзень напрыканцы спякотнага лета і пачатку вясёлай восені-2016 будзем з Манюшкам!</p>

<ul>
    <li>27 жніўня ў 20.00 – на заключным канцэрце фестывалю «Класіка ля ратушы з velcom» гучала шэсць кампазіцый з розных твораў Станіслава Манюшкі.</li>
    <li>3 верасня у 13:00 – святочнае адкрыццё помніка С. Манюшку і В. Дуніну-Марцінкевічу.</li>
    <li>3 верасня у 13:30 – пасля адкрыцця помніка Музычны Дом «Класіка» арганізоўвае баль, адкрываць які будзе сам маэстра Станіслаў Манюшка – пераможца конкурсу. На балі будзе гучаць музыка кампазітара, пад яе артысты-аніматары ў шляхетных строях XIX стагоддзя станчаць розныя танцы (частка праграмы будзе інтэрактыўнай – а гэта значыць, што ўсе гледачы, якія пажадаюць, змогуць разам станцаваць вальс і паланэз).</li>
    <li>3 верасня каля 15:00 – пасля балю – экскурсавод турыстычнай кампаніі «Віаполь» правядзе гадзінную экскурсію па Верхнім горадзе, акцэнтуючы ўвагу на знакавых фактах і падзеях, звязаных з жыццём Станіслава Манюшкі ў Мінску.</li>
</ul>

<p>А яшчэ – увесь год у гарадской ратушы кожную сераду і пятніцу можна сустрэцца… з маэстра! Падчас<span style="color:#00FFFF;"><u> </u></span><span style="color:#0000CD;"><u>а</u></span><a href="http://www.viapol.by/assembly/5.1.1.htm"><span style="color:#0000CD;">гляднай экскурсіі па Мінску</span></a><span style="color:#0000CD;"> </span>турыстычная кампанія «Віаполь» робіць паўгадзінныя музычна-тэатральныя кампазіцыі «Манюшка вітае гасцей». Запрашаем!  </p>