У Берліне выйшаў найбуйнейшы нямецкамоўны даведнік па Беларусі

19.11.2015 - Новости

У Берліне выйшаў найбуйнейшы нямецкамоўны даведнік па Беларусі

У берлінскім выдавецтве Trescher трохтысячным накладам выйшаў найбуйнейшы даведнік па Беларусі на нямецкай мове. Аўтары выдання аб'ёмам 500 старонак — Андрэ Бём і Марына Рахлей. 

Філолаг і славіст Бём выкладаў нямецкую мову ў Мінску і Гродне па праграме нямецкай службы акадэмічных абменаў, валодае рускай і беларускай мовамі. Рахлей — былая журналістка інфармацыйнай кампаніі БелаПАН, якая працуе ў Берліне. 

У даведнік увайшлі нацыянальныя паркі, а таксама славутыя мясціны розных гарадоў усіх абласцей: Слуцка, Ракава, Барысава, Косава, Быхава, Веткі, Чачэрска, Лунна, Слоніма, Іўя, Гальшан, Оршы і інш. Па Мінску прапанавана некалькі турыстычных маршрутаў. 

«Большая частка даведачнага выдання прысвечаная гісторыі краіны, сучаснай сітуацыі ў палітыцы, эканоміцы, культуры, рэлігіі. Кароткі руска-беларуска-нямецкі слоўнік спатрэбіцца ўсім, хто не валодае гэтымі мовамі», — паведаміла Рахлей. 

Аўтары падкрэсліваюць, што гісторыя Беларусі непарыўна звязаная з гісторыяй развіцця Еўрапейскага кантыненту і гісторыяй еўрапейскіх войнаў. Даведнік апісвае асаблівасці культурнага і дзяржаўнага станаўлення краіны. «Менавіта таму мы «ўпісалі» ў даведнік не самыя прывабныя з пункту гледжання чыстага турызму мясціны. Наша канцэпцыя: «Краіна і яе культура — гэта больш, чым можна ўбачыць вачамі», — зазначыла сааўтар. 

Кніга, якая са снежня будзе рэалізоўвацца ў нямецкамоўных краінах і інтэрнэт-магазінах, прапаноўваецца «падарожнікам і тым, хто хоча пазнаёміцца з Беларуссю бліжэй». 

У Германіі кніга будзе каштаваць 21,59 еўра (412 тыс. рублёў), у Аўстрыі — на 1,01 еўра даражэй.

nn.by

Рубрики: К Сведению

Страны: Германия Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах