На свеце ёсць незвычайныя людзі, якія з павагай адносяцца да рэтраматацыкла. Гэта аматары-калекцыянеры і рэстаўратары. І менавіта іх экземпляры ў рэстаўраваным і, што немалаважна, у захаваным стане будуць прадстаўлены на выставе. Шчырае дзякуй ім за гэта!
Чаму гэта выстава яшчэ і «пра людзей»? А таму што некалькі разоў на месяц на выставе будуць арганізаваны сустрэчы з аматарамі-калекцыянерамі, рэстаўратарамі, якія падзеляцца сваім вопытам, раскажуць пра свае матацыклы. Падрабязнасці – на retromoto.by
Асаблівасцю выставы будзе тое, што наведвальнікі змогуць не толькі ўбачыць матацыклы і аксэсуары, але і ў поўным сэнсе слова дакрануцца да іх: будзе арганізавана адмысловая фотазона, дзе можна сфатаграфавацца на матацыкле.
Таксама для дзяцей да 16 год будзе арганізаваны конкурс малюнка «Рэтра-Матацыкл» . Звяртаем увагу, што на конкурс могуць быць прадстаўлены работы як папярэдне падрыхтаваныя, так і намаляваныя на месцы.
Спадзяемся, што выстава стане цікавай і тым, чыя маладосць прайшла з матацыклам і на матацыкле, і тым, хто памятае дзядулін або бацькоўскі матацыкл, і тым – самым юным, хто бычыў іх (матацыклы), магчыма, толькі на фотаздымку.
Праграма выставы:
- Матацыкл часоў 2-й сусветнай вайны (да 70-годдзя Перамогі)
- Пасляваенныя матацыклы (50—80 гг. XX ст.)
- Матацыклы айчынныя (ММВЗ)
- Госці – італьянскія матацыклы
- Сустрэчы з калекцыянерамі-рэстаўратарамі (упершыню)
- Адмысловая фотазона
- Конкурс дзіцячага малюнка «Рэтра-Матацыкл»
Сардэчна запрашаем на выставу, на якой будуць прадстаўлены матацыклы і мапеды не толькі масавай вытворчасці, але і рэдкія, а часам і ўнікальныя экземпляры для Беларусі!
Пачатак выставы 22 красавіка.
ГЦ «Скала», вул. Пятра Глебкі, 5, 2-і паверх.
Ст. м. «Спартыўная»
Кошт: 60 000 — дарослыя
50 000 — студэнты і пенсіянеры
40 000 — дзеці ад 6 да 16.
Дзеці да 6 год – уваход вольны