Як вядома, гісторыя гуказапісвальных носьбітаў пачалася з 1877 года дзякуючы Томасу Эдысану. У сваіх дзённіках Томас Эдысан, вынаходнік фанографа — першага ў свеце прыбора для запісу і прайгравання гуку, успамінае: «Аднойчы, калі я працаваў над паляпшэннем тэлефона, я неяк заспяваў над дыяфрагмай тэлефона (тоненькай сталёвай пласцінкай), да якой была прыпаяная іголка. Дзякуючы дрыгаценню пласцінкі, іголка ўкалола мне палец, што прымусіла мяне задумацца. Калі б можна было запісаць гэтыя ваганні іголкі, а потым зноў правесці іголкай па такім запісе – чаму б пласцінцы не загаварыць? Вось і ўся гісторыя: не ўкалі я палец — не вынайшаў бы фанографа! ».
Аб гэтым і многім іншым вы даведаецеся, калі прыйдзеце наведаць выставу TalkingMachine.