У Палац Незалежнасці будуць вадзіць экскурсіі

29.10.2013 - Новости

У Палац Незалежнасці будуць вадзіць экскурсіі

У Адміністрацыі кіраўніка краіны паведамілі, што для наведвання Палаца неабходна пакінуць заяўку
Пра гэта Еўрарадыё паведамілі ў Адміністрацыі прэзідэнта.

Пра тое, што ў новапабудаваны Палац Незалежнасці на праспекце Пераможцаў зможа трапіць кожны жадаючы, за некалькі дзён да яго адкрыцця паведаміў сам Аляксандр Лукашэнка. “Гэта не рэзідэнцыя прэзідэнта. Там, праўда, ёсць адзін рабочы кабінет для прэзідэнта, больш там кабінетаў няма”, — заявіў ён.

У Адміністрацыі кіраўніка краіны паведамілі, што для наведвання Палаца неабходна пакінуць заяўку.

“Дасылайце заяўку на наш факс, мы разгледзім. Але пакуль не спяшайцеся: раней за лістапад экскурсіі ў Палацы Незалежнасці праводзіцца не будуць”, — кажуць у прэс-службе.

Урачыстае адкрыццё Палаца Незалежнасці адбылося напрыканцы мінулага тыдня. 24 кастрычніка ў ім прайшло паседжанне Вышэйшага Еўразійскага эканамічнага савета на чале з кіраўнікамі Расіі і Казахстана. А 25 кастрычніка будынак сустракаў кіраўнікоў краін СНД, якія прыехалі ў Мінск на саміт Садружнасці незалежных дзяржаў.

Алесь Пілецкі

Страны: Беларусь


Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах