<p>Дырэктар Валожынскаго раённага цэтра культуры Алена Конаўка расказала «<a href="http://kraj.by/" target="_blank">Край.бай</a>», што ў свяце-конкурсе прымуць удзел майстры з Валожынскага, Маладзечанскага, Вілейскага, Крупскага, Салігорскага, Слуцкага і Нясвіжскага раёнаў.</p>

<p>Свята традыцыйнае. Яно праводзіцца адзін раз на тры гады. Першае было ў 2007 годзе.</p>

<p>Наш партал распавядаў пра <span style="color: #000000;">папярэдні конкурс</span>, які прайшоў у 2013 годзе.</p>

<p>На сённяшні дзень заяўкі на ўдзел падалі ужо 24 майстры, якія прывязуць павукоў, зробленых с саломы, зазначыла субяседніца. Плануецца, што сёлета свята пройдзе ў васьмі намінацыях. Будзе вызначана і Гран-пры конкурсу. Пачатак – у суботу, 15 кастрычніка, у 11.00.</p>

<p>По словах Алены Конаўкі, журы конкурсу ўзначаліць старшыня Беларускага саюза майстроў народнай творчасці прафесар Яўген Сахута. У судзейскай калегіі таксама загадчыца аддзела традыцыйнага мастацтва Мінскага абласнога цэнтра народнай творчасці Вольга Хачкова і загадчык аддзела ідэалагічнай работы, культуры і па справах моладзі Валожынскага райвыканкама Вікенцій Адамовіч.</p>

<p><strong>Сяргей ЗЯНЬКО</strong></p>

<p><a href="http://kraj.by/" target="_blank">Край.бай</a></p>