У панядзелак, 18 чэрвеня, а 17-й гадзіне ў будынку Нацыянальнага гістарычнага музея Рэспублікі Беларусь адбудзецца прэзентацыя кніг, прысвечаных 1150-годдзю Полацка:
Фотаальбом «Полацк. Гонар вякоў». Аўтар тэксту – вядомы гісторык, археолаг і пісьменнік Сяргей Тарасаў, фотаздымкі – Ігар Супранёнак. Выдавецтва «Беларусь».
Навукова-папулярная кніга «Войска Полацкага княства ад часоў Рагвалода да эпохі Усяслава Чарадзея». Аўтар – Мікалай Плавінскі, загадчык аддзела археалогіі, нумізматыкі і зброі Нацыянальнага гістарычнага музея Рэспублікі Беларусь. Выдавецтва «Галіяфы».
У прэзентацыі прымуць удзел вядомыя беларускія пісьменнікі, гісторыкі і археолагі.