Што трэба ведаць, калі вы едзеце ў Букавель

03.02.2012 - Витрина туров

Што трэба ведаць, калі вы едзеце ў Букавель

У Букавель трэба ехаць падрыхтаваным. Падрыхтаваным да таго, што адмысловыя пластыкавыя боты будуць жорстка сціскаць ногі; падрыхтаваным да таго, што інструктар за 2 гадзіны не навучыць спускацца з гор навічкоў, і табе застанецца адно выйсце – катацца з малымі дзецьмі на так званым «дзіцячым майданку»

Как сообщает «Твой стыль»:

Гэты зімовы курорт Украіны з’яўляецца адным з улюбёных месцаў зімовага адпачынку з усяго «блізкага» свету. Беларусы і малдаване, расіяне і палякі… Рознагалоссе моў, дапамога адзін аднаму пры падзеннях, хуткая праца санітараў – у гэтым вялікі пазітыў букавельскага адпачынку.

Але ёсць тут і свой вялікі мінус: у Букавель трэба ехаць падрыхтаваным. Падрыхтаваным да таго, што адмысловыя пластыкавыя боты будуць жорстка сціскаць ногі; падрыхтаваным да таго, што інструктар за 2 гадзіны не навучыць спускацца з гор навічкоў, і табе застанецца адно выйсце – катацца з малымі дзецьмі на так званым «дзіцячым майданку».

2

Між тым, Букавель – гэта каля 50 км розных горналыжных трас, і спакуса паспрабаваць «дарослы» варыянт неверагодная. Тут могуць адпачываць людзі з рознымі фінансавымі магчымасцямі: самы просты пад’ём на гару каштуе 35 грывен, а дзённы абанемент – крыху больш за 200 (курс на мінулыя выхадныя быў 8 грывен за долар).

3

Мне, як непадрыхтаванаму навічку, за пад’ёмы плаціць амаль не прышлося, а як цікаўнаму турысту ўдалося падняцца на самую вяршыню.

4

Адсутнасць снегу на вяршынях гор замяняюць штучным снегам з дапамогай адмысловых снегавых гармат. Для аматараў экстрыму, апроч стандартнага катання на лыжах і сноўбордах, існуюць і альтэрнатыўныя яго віды: зорб – спуск з гары ў спецыяльнай пластыкавай «кулі»; сноўбайк – нешта накшталт горнага веласіпеда, толькі замест колаў прыстасаваныя маленькія лыжы.

5

6

Хто мае шмат грошай і хоча паспрабаваць нешта зусім незвычайнае, можа зарэзерваваць электраскутэры-сігвэі, сабачыя запрэжкі, снегаходы і квадрацыклы. Гадзіна падобных забаў каштуе да 200 долараў.

7

Без рэкламы – ніяк

Да месца пражывання мы дабіраліся сваім аўтобусам, але можна было замовіць і гужавы транспарт. Жылі мы недалёка ад самога курорта ў гатэлевым комплексе «Марышка».

Адзіны плюс гэтага комплексу быў у тым, што ён знаходзіўся ў 2-х кіламетрах ад першай трасы, астатняе – шматлікія мінусы: ад адсутнасці аўтастаянкі да адсутнасці гарачай вады ў нумарах. Выйсце для асабліва ахайных – лазня, але і яе трэба чакаць некалькі гадзін.

8  

У апошнія дні ў Букавелі, як і ў нас, ударылі моцныя маразы – ад -20 і болей, таму ад прыемнага адпачынку прыйшлося адмовіцца. Трасы ператварыліся ў каткі, не дапамагала і тое, што іх чысцілі спецыяльнай горнай тэхнікай.

Шмат хто з нашай групы перайшоў на катанне на каньках ці прыйшоў да мяне, на «дзіцячы майданак», дзе невялічкая горка не дазваляла разбіцца.

9  

На адваротным шляху нас чакала цяжкае 16-гадзіннае падарожжа: дызельнае паліва ў аўтобусе замярзала пры мінус 20, а шматлікія дарогі былі слізкімі. Мы наведалі рынак ў Ярэмчы, дзе накупілі падарункаў родным і сябрам, і вялізны супермаркет у Івана-Франкоўску, пасля якога самы буйны гродзенскі «Алмі» выглядае як маленькая вясковая крама.

Андрэй Мялешка

Фота аўтара

Рубрики: Активный Отдых Активный Туризм Горные Лыжи

Страны: Украина


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах