Мэта моўных лагераў – стварэнне ўмоў для дзяцей з розных краін для зносін, паглыбленага вывучэння гутарковай англійскай мовы, прапаганда ідэй талерантнасці і ўзаемаразумення паміж людзьмі праз выкарыстанне англійскай мовы ў якасці моста, удзел у культурных і сацыяльных мерапрыемствах.

З 23 чэрвеня па 2 ліпеня 2012 года на базе УА «Мінская абласная дзяржаўная спецыяльная агульнаадукацыйная школа-інтэрнат для дзяцей з парушэннем слыху» у п. Ждановічы пройдзе Міжнародны лагер па навучанні гутарковай англійскай мовы, удзельнікамі якога стануць 70 беларускіх і 30 замежных студэнтаў ва ўзросце 14–18 гадоў.

Носьбітамі мовы ў праекце выступяць спецыялісты і выпускнікі Оксфардскага ўніверсітэта (Вялікабрытанія), беларускія педагогі.

Абавязковая ўмова для ўдзелу – вывучэнне мовы на працягу не менш як 1 год. Плануецца накіраваць у лагер актывістаў клубаў ЮНЕСКА, пераможцаў алімпіяд па англійскай мове і іншых школьнікаў, якія добра валодаюць англійскай мовай з мэтай яе далейшага ўдасканалення.

Умовы ўдзелу ў англійскім летніку:

• Працоўная мова: англійская.

• Тэрмін падачы заявак на ўдзел: да 20 мая 2012 года. Разам з анкетай падаюцца ў камплекце падпісаныя правілы ўдзелу, заява ад бацькоў, копія пасведчання аб нараджэнні.

• Фінансавыя ўмовы: сяброўскі ўзнос/бацькоўская даплата складае 1,6 млн беларускіх рублёў. Разам з анкетай уносіцца 50% кошту пуцёўкі. Праезд да Мінска і назад – за свой кошт.

Апроч таго, рэспубліканскае грамадскае аб'яднанне «Беларуская асацыяцыя клубаў ЮНЕСКА» працягвае рэалізацыю праекта па навучанні гутарковай нямецкай мове «Мост нямецкай мовы і культуры» (Die Brücke zur deutschen Sprache).
На працягу 10 дзён з 4 па 13 ліпеня 2012 года на базе ўстановы адукацыі Мінскага раёна ў Рэспубліцы Беларусь пройдзе лагер па навучанні гутарковай нямецкай мове «Мост нямецкай мовы» (Die Brücke zur deutschen Sprache), удзельнікамі якога стануць 70 беларускіх і замежных студэнтаў ва ўзросце 12–17 гадоў.

Абавязковая ўмова для ўдзелу – вывучэнне нямецкай мовы на працягу не менш як 1 год. Плануецца накіраваць у лагер школьнікаў, якія вывучаюць нямецкую мову ва ўстановах адукацыі Рэспублікі Беларусь, з мэтай яе далейшага ўдасканалення.

Выкладанне ў летніках ажыццяўляюць англійскія або нямецкія і беларускія настаўнікі і студэнты (залежыць ад абранага моўнага курса). Моўныя заняткі будуць праходзіць штодня да абеда, а таксама пасля абеда і вечарам у нетрадыцыйнай форме. Перад пачаткам курса студэнты праходзяць тэсціраванне для вызначэння ўзроўню ведаў і дзеляцца на групы паводле ўзроўню падрыхтоўкі. У групе навучаецца не больш за 10 чалавек. Пасля абеда і ўвечары студэнты вывучаюць мову пры дапамозе іншых інтэрактыўных методык: праз развіццё прамоўніцкіх навыкаў, дыспуты, прагляд відэафільмаў на нямецкай мове, спорт, настольныя гульні, музыку, танцы, рукадзелле, заняткі выяўленчым мастацтвам і г.д. Як паказвае вопыт, такі спосаб вывучэння мовы з'яўляецца вельмі прадуктыўным, бо дазваляе навучэнцам стаць актыўнымі ўдзельнікамі навучальнага працэсу.
Акрамя адукацыйнай, у лагеры прадугледжана і культурная праграма, якая ўключае ў сябе правядзенне тэматычных дзён, конкурсаў, вечароў і г.д.


Умовы ўдзелу ў нямецкім летніку:

• Працоўная мова: нямецкая.

• Тэрмін падачы заявак на ўдзел: да 1 чэрвеня 2012 года. Разам з анкетай падаюцца ў камплекце падпісаныя правілы ўдзелу, заява ад бацькоў, копія пасведчання аб нараджэнні.

• Фінансавыя ўмовы: сяброўскі ўзнос/бацькоўская даплата складае 1,2 млн беларускіх рублёў. Разам з анкетай уносіцца 50% кошту пуцёўкі. Праезд да Мінска і назад - за свой кошт.

• Даведка лекара (з выпіскай ўсіх прышчэпак), выдадзеная за 30 дзён да пачатку лагера

Кантакты: г. Мінск, пр-т Машэрава, 25, офіс  231; тэл.: (017) 237-87-91,  е-mail: info@belau.info, сайт: www.belau.info

Амерыканскі ўніверсітэт у Балгарыі праводзіць штогадовы адукацыйны летнік у горадзе Благоеўград (Балгарыя). Летнік адкрыты для школьнікаў 14–18 гадоў, якія маюць узровень англійскай мовы intermediate альбо вышэй.

Праграма ўключае ў сябе навучальныя курсы, якія развіваюць і паляпшаюць навыкі студэнтаў у такіх галінах, як творчасць, бізнес, тэатр, журналістыка, інфармацыйныя тэхналогіі ды грамадскія працы. Дзённыя заняткі, спорт, мастацтва і рамёствы, экскурсіі, кіно і дыскатэкі ды іншыя мерапрыемствы таксама ўключаны ў праграму летніка, каб зрабіць яго больш інтэнсіўным і цікавым. Настаўнікі, якія з’яўляюцца носьбітамі англійскай мовы, уцягнуць студэнтаў у праекты, абмеркаванні і абмен ідэямі, што істотна палепшыць іх гутарковую англійскую мову.

Тыя студэнты, якія паспяхова скончаць праграму і не парушаць правілы летніка, атрымаюць сертыфікат аб праходжанні курсу ад Амерыканскага ўніверсітэта ў Балгарыі.

Дзве сесіі лета-2012

• 3-тыднёвы летнік, 1–21 ліпеня 2012, унёсак: 630 еўра
• 2-тыднёвы летнік, 22 ліпеня – 04 жніўня 2012, унёсак: 420 еўра

Зборы ўключаюць у сябе:

• Разнастайныя акадэмічныя заняткі раніцай
• Спорт і актыўны адпачынак
• Навучальныя матэрыялы
• Доступ да AUBG камп'ютарных лабараторый
• Корпус, у якім жывуць студэнты, і харчаванне 3 разы на дзень
• Экскурсіі ў выхадныя дні
• Уваходныя білеты ў культурныя і спартыўныя збудаванні

Апошні тэрмін падачы заявак – 10 чэрвеня 2012 г.

Настаўнікі, якія прывязуць 10 студэнтаў у летнік, атрымаюць бясплатнае жыллё і харчаванне. Выкладчыкі англійскай мовы, якія прывязуць 10 студэнтаў у летнік, атрымаюць запрашэнне да ўдзелу ў TOEFL/SAT падрыхтоўчых курсаў бясплатна.

Дадатковая інфармацыя, правілы, рэгістрацыйныя формы і фотаздымкі з папярэдняга летніка на сайце: www.aubg.bg/camp . 

Кантактная асоба: Mrs. Nadejda Afendova, дырэктар летніка.

Тэл: +359–73- 888212, факс: +359–73- 888161, e-mail: nadia@aubg.bg.