Венесуэлу можа ўзначаліць праўнук жыхароў Радуні

13.03.2013 - Витрина туров

Венесуэлу можа ўзначаліць праўнук жыхароў Радуні

Прабабуля і прадзядуля Капрылеса з матчынага боку паходзілі з мястэчка Радунь, што цяпер у Воранаўскім раёне Гродзенскай вобласці

За месца Уга Чавеса пазмагаюцца губернатар штата і былы кіроўца аўтобуса. Прэзідэнцкія выбары ў Венесуэле прызначылі на 14 красавіка, паведамляе Belsat.eu.

40-гадовы губернатар аднаго з цэнтральных штатаў краіны Энрыке Капрылес ужо змагаўся за першую пасаду ў дзяржаве. На леташніх прэзідэнцкіх выбарах Уґа Чавес апярэдзіў яго толькі на 10%. Цяпер ён паспаборнічае з Нікалясам Мадурам, пераемнікам Чавеса, які цяпер кіруе краінай. Капрылес ужо абвінаваціў яго і венесуэльскі ўрад у парушэннях Канстытуцыі.

Прабабуля і прадзядуля Капрылеса з матчынага боку паходзілі з мястэчка Радунь, што цяпер у Воранаўскім раёне Гродзенскай вобласці. Яны загінулі ў канцлагеры Трэблінка ў акупаванай немцамі Польшчы. Дзед яшчэ перад вайною займаўся арганізацыяй кінапаказаў. Падчас Другой сусветнай вайны ён далучыўся да руху Супраціўлення, дзякуючы чаму змог уратаваць жонку з Варшаўскага гета, пасля вайны з’ехаць разам з ёю ў Венесуэлу і адкрыць у 1947 годзе першы кінатэатр. Пазней ягоная фірма стала ўладальніцай ужо цэлай сеткі кінатэатраў.

Маці кандыдата ў прэзідэнты нарадзілася ўжо ў Венесуэле. Бацька мае галандскія карані, ён зрабіў добрую кар’еру ў бізнесе – у галіне медыяў і нерухомасці. Так што Капрылес паходзіць з матэрыяльна забяспечанай сям’і, дзякуючы чаму скончыў прэстыжныя навучальныя ўстановы ў сябе на радзіме. Пасля ўніверсітэта працаваў у падатковай інспекцыі, пазней – адвакатам.

Рубрики: Калейдоскоп

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах