Ахоўнік крамы ў Беластоку: Штодзень затрымліваем злодзея з Беларусі

16.03.2013 - Витрина туров

Ахоўнік крамы ў Беластоку: Штодзень затрымліваем злодзея з Беларусі

Але крадуць беларусы ў Польшчы па дробязях: у асноўным цягнуць дробныя рэчы да 30 долараў

У інтэрв’ю БелТА генеральны консул Беларусі ў Беластоку Аляксандр Берабеня заявіў, што ў горадзе ўзрастае колькасць беларусаў, якія трапляюцца на крадзяжах, паведамляе Euroradio.fm.

Напрыклад, у беластоцкім Media Markt беларусы набываюць падарункавыя карты, якія дазваляюць зрабіць запрашэнні для шэнгенскай візы «на закупкі», а разам з імі — набыць тавараў на пэўную суму.

Відавочна, што сюды прыязджае шмат грамадзян нашай краіны. Можа, сярод іх ёсць і нядобрасумленныя?

«Раю звярнуцца ў паліцыю, калі яны дадуць такую статыстыку. Мы не даём такой інфармацыі, бо гэта службовая таямніца», — суха адказвае на пытанне «Еўрарадыё» ахоўнік Media Markt.

У прэс-службе ўпраўлення паліцыі Падляшскага ваяводства пра крадзяжы, здзейсненыя беларусамі, таксама нічога не гавораць.

Прэс-служба ўпраўлення паліцыі Падляшскага ваяводства: «Такой статыстыкі няма. Калі справа тычыцца замежніка, то падраздзяленне, якое вядзе справу, перадае інфармацыю ў консульства. А ў статыстыцы ў нас няма размежавання па нацыянальнай прыкмеце, ёсць толькі здзейснены ўчынак».

Працягваем абзвоньваць крамы. У галерэі Podlaska злодзеяў з Беларусі не заўважалі.

Галерэя Podlaska: «Мы не мелі такіх паведамленняў, я не чула пра такія інцыдэнты».

Як, дарэчы, і ў галерэі Zielone wzgórze:

«За апошні год у нас не было зафіксавана ніводнага крадзяжу, звязанага з замежнікамі».

А вось у Auchan пацвердзілі павелічэнне колькасці злодзеяў з Беларусі, якія, дарэчы, ужо даўно з’яўляюцца «кліентамі» аховы крамы.

Ахоўнік Auchan: «Сёння, гадзіну таму таксама злавілі грамадзяніна вашай краіны. Нёс дробную рэч нейкія рамяні бяспекі. Як мінімум трапляецца адзін грамадзянін Беларусі штодзень. Колькі існуе крама, увесь час у сярэднім такая лічба».  

Паводле слоў ахоўніка, у асноўным беларусы стараюцца выносіць нешта дробнае, коштам да 100 злотых (каля 31 долара).

У гандлёвых цэнтрах Бяла-Падляскі, куды таксама едзе шмат беларусаў на шопінг, за крадзяжамі нашы суайчыннікі заўважаныя не былі. У гандлёвым цэнтры Sas больш скардзяцца на чэчэнцаў і грузінаў. А ў Rywal выказваюць задавальненне вялікай колькасцю гасцей з Беларусі. І дадаюць, што ніводнага непрыемнага інцыдэнту з удзелам беларусаў за апошнія месяцы не было.

Зміцер Кустоўскі

Рубрики: Происшествия

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах