На Замкавай, ля музея гісторыі рэлігіі, правалілася плітка

Вось ужо колькі дзён на ходніках вул. Замкавай ля музея гісторыі рэлігіі пазяхае яміна, паведамляе «Твой Стыль».

Відаць, два тыдні таму, калі тут мянялі падземныя камунікацыі, яму закапалі і кепска ўтрамбавалі. У выніку, пасля чарговай залевы грунт прасеў, тратуарная плітка пачала правальвацца.

Месца не агароджанае, але ж тут штодня ходзіць мноства народу: чытачы бібліятэкі, наведвальнікі музеяў, а таксама турысты і госці горада.

Ян Лялевіч