Як паведамляе «
На выставе, якую можна наведаць на працягу бліжэйшых месяцаў, прадстаўлена каля 300 камянёў, сабраных амаль за ўсю гісторыю музея. Уся ж калекцыя складаецца з 1500 экспанатаў.
Дырэктар музея зрабіў для першых наведвальнікаў выставы своеасаблівую экскурсію:
– На гэтай выставе прадстаўлены вельмі цікавыя рэчы, якія можна знайсці, калі, вобразна кажучы, капаць глыбокую яму, – кажа дырэктар Гродзенскага гісторыка-археалагічнага музею Юрый Кітурка. – Трэба сказаць, што нашая калекцыя, як і ўсе прыродазнаўчыя калекцыі, пачалася з музея Станіслава Жыўны яшчэ ў міжваенны час. Калі ён прыехаў у Гродна, то ўжо меў прыродазнаўчую калекцыю з розных мінералаў, якая і перайшла ў наш музей. Увесь час калекцыя папаўнялася.
– Мы прапаноўваем вам самыя цікавыя «эпізоды» з таго, што адбывалася на працягу год ў гэтым накірунку.
Каб было больш цікава і разнастайна, мы далучылі да выставы экспанаты з аддзела рэдкай кнігі, прысвечаныя геалогіі і мінералогіі, выдадзеныя 100–200 гадоў таму. Геалогія – вельмі старажытная навука. Зацікаўленасць да зямных нетраў пакінулі Арыстоцель і Сакрат, таму геолагі могуць лічыць узрост сваёй навукі з тых часоў.
Частка рэчаў на выставе запазычана са школьнага музея «Карат» гродзенскай школы № 16.
Самыя цікавыя з прадстаўленых тут экспанатаў – неапрацаваныя аметысты, якія былі канфіскаваны на мяжы і перададзены у дар музею Гродзенскай рэгіянальнай мытняй. У наступнай зале можна ўбачыць тое, як людзі абыходзяцца з каменем: розныя прылады працы і упрыгожванні, дэкаратыўныя рэчы.
Андрэй Мялешка