Як паведамляе Пасольства
Па выніках галасавання на старонцы пасольства ЗША у сетцы «Фэйсбук», Андрэй Славук быў прызнаны пераможцам конкурсу лагатыпаў, прысвечанага 20-годдзю дыпламатычных адносін паміж Злучанымі Штатамі Амерыкі і Рэспублікай Беларусь.
Падчас афіцыйнай цырымоніі, якая адбылася ў Пасольстве ЗША ў Мінску, Часовы Павераны ў справах ЗША ў Беларусі Майкл Скэнлан прэзентаваў спадару Славуку галоўны прыз конкурсу – планшэт iPad.
Дызайнеры, якія трапілі ў першую пяцёрку, таксама атрымалі каштоўныя прызы. У размове з Часовым Павераным удзельнікі адзначылі, что для іх было вялікім гонарам зрабіць свой унёсак у святкаванне 20-й гадавіны адносін паміж амерыканскім і беларускім народамі.