«Людзі адчуваюць культурны голад да ўсяго беларускага»

27.03.2012 - Новости

«Людзі адчуваюць культурны голад да ўсяго беларускага»

Ганна Шарэнда, дырэктар ТАА «Мерцана», распавядае пра турыстычную фірму з назвай у гонар язычніцкай багіні ранішняй зоркі і пра тое, чаму расце папулярнасць айчыннага турызму

Як паведамляе «Твой стыль»:

Ганна Шарэнда, дырэктар ТАА «Мерцана», распавядае пра турыстычную фірму з назвай у гонар язычніцкай багіні ранішняй зоркі і пра тое, чаму расце папулярнасць айчыннага турызму.

– Ганна, у сваёй працы вы абралі беларускі накірунак. Няўжо адпачынак у Беларусі нарэшце стаў камусьці цікавым?

 – Так, мы  працуем толькі з маршрутамі па Беларусі, што называецца, «прадаем» Беларусь турыстам. На мой погляд, зараз людзі адчуваюць культурны голад да беларускага, які патрэбна задаволіць. Зараз шмат месцаў, дзе можна пакаштаваць беларускую кухню, стаць удзельнікам беларускіх свят і нават адгуляць вяселле ў беларускім стылі.

Набывае попыт і агратурызм, а таксама месцы для сямейнага адпачынку.

Мне здаецца, беларусы пачынаюць разумець, што культура адпачынку павінна прывівацца з дзяцінства. Так робіцца ў Еўропе, але нам да гэтага яшчэ далёка.

1

– На вашым сайце прадстаўлена шмат маршрутаў: тэматычных, экстрэмальных, краязнаўчых, экскурсіі для дзяцей. Распрацаваць новы маршрут – складаны працэс?

– У распрацоўцы маршрута шмат нюансаў: людзей трэба адвезці, накарміць, знайсці жытло, неяк павесяліць. Таксама складана знайсці добрага экскурсавода. Вельмі мала сярод экскурсаводаў сапраўды зацікаўленых людзей. Лепшыя ў гэтай справе – аматары, якія ведаюць, як зацікавіць людзей. Сухія факты нікому не патрэбны. Людзі любяць розныя жыццёвыя гісторыі: пра шчаслівае ці нешчаслівае каханне і гэтак далей.

– Нядаўна «Мерцана» заявіла сваю намінацыю «Нестандартная Беларусь» для ўдзельнікаў конкурса сярод журналістаў-пачаткоўцаў. А што для вас саміх Беларусь нестандартная і стандартная?

– Беларусь – цікавая краіна, якой ёсць што паказаць турыстам. Мы працуем у гэтай сферы два гады, але за гэты маленькі час упэўніліся, што амаль у кожнай вёсцы, у кожным куточку краіны можна знайсці нешта цікавае і не вядомае шырокаму колу людзей, што можа быць прывабным не толькі для турыстаў-беларусаў, але і для турыстаў з іншых краін.

Зараз найбольш папулярныя маршруты, пра якія мы кажам «папсовыя»: Мірскі, Нясвіжскі, Ружанскі замкі, розныя паломніцкія туры.

Нам бы хацелася, напрыклад, паказаць беларусам Магілёўшчыну і Гомельшчыну. Там вельмі шмат цікавых месцаў! Але пакуль што знайшлося няшмат ахвотных. Можа, радыяцыі баяцца…

2

– Якіх прац у гэтай намінацыі вы чакаеце ад маладых журналістаў?

– Гэтая намінацыя – магчымасць для маладых зрабіць свой унёсак у развіццё турызму ў Беларусі. Можна паразмаўляць са сваімі бабулямі і дзядулямі, пашукаць больш цікавых і невядомых фактаў у сваёй мясцовасці.

І больш сваіх крэатыўных думак, каб прыцягнуць увагу беларускага народа да яго гісторыі і культуры. А каб больш заахвоціць маладых журналістаў, скажу, што аўтар лепшага матэрыяла трапіць разам з сябрам на займальную экскурсію «Апошняя крэпасць Расійскай імперыі».

Аўтар гэтага маршрута – Андрэй Мялешка, і прысвечана экскурсія фартам – пабудовам часоў Першай сусветнай вайны. Іншыя ўдзельнікі, якія займуць другое і трэцяе месца, таксама будуць узнагароджаны спецыяльнымі прызамі ад ТАА «Мерцана».

Ганка Марза

Фота аўтара

Рубрики: Тенденции

Страны: Беларусь


Комментарии

Аватар

29.03.2012 01:21
Anonymous
ответить

Артыкуль вельмі цікавы, але на жаль з памылкамі - дырэктарам фірмы з'яўляецца Фацеева Г.А.

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах