Міліцыянеры экскурсаводам: «Калі не хочаце праблем – нікуды не выходзьце!»

25.04.2012 - Новости

Міліцыянеры экскурсаводам: «Калі не хочаце праблем – нікуды не выходзьце!»

Напярэдадні фестываль экскурсаводаў паспяхова прайшоў па ўсёй краіне. Адзінае выключэнне - Гродна – тут фэст назвалі несанкцыянаваным мерапрыемствам і палічылі небяспечным для грамадскага парадку

 

Напярэдадні фестываль экскурсаводаў паспяхова прайшоў па ўсёй краіне. Выключэннем стала Гродна – тут фэст назвалі несанкцыянаваным мерапрыемствам і палічылі небяспечным для грамадскага парадку.

Фестываль экскурсаводаў праходзіць ўжо чацвёрты год запар, ён прымеркаваны да Дня аховы помнікаў гісторыі і культуры. Па традыцыі на працягу некалькіх дзён экскурсаводы ладзяць шпацыры па выбітных мясцінах беларускай гісторыі, звяртаючы ўвагу на ўнікальныя аб’екты нашай спадчыны. Сёлета вандроўкі прайшлі нават у зусім малых гарадах і мястэчках — Барані, Жэмыслаўлі, Лагойску, Плешчаніцах і Вілейцы. А вось у Гродне ўсе экскурсіі арганізатарам давялося адмяніць.

Куратар мерапрыемства ў Гродне Таццяна Касатая распавяла, што напярэдадні фэсту, у пятніцу позна ўвечары да экскурсаводаў дадому прыйшлі ўчастковыя міліцыянеры. «Мы не хавалі інфармацыю пра сябе, абвесткі з анонсам экскурсій і дадзенымі гідаў былі размешчаныя ў інтэрнеце. Участковыя прыйшлі і папярэдзілі – мерапрыемства несанкцыянаванае, таму калі не хочаце праблем, нікуды не выходзьце».

Ніякіх дакументаў і пісьмовых папярэджанняў экскурсаводам не далі. Па словах Таццяны, на кожную з экскурсій у наступныя дні прыходзілі па 10–12 чалавек – тыя, хто не паспеў прачытаць абвестку ў інтэрнеце, што фестываль адмяняецца. «Для нашага горада – гэта знакавая падзея. Бясплатныя экскурсія – магчымасць для кожнага чалавека даведацца пра свой горад як мага больш цікавай інфармацыі. На адным з пасяджэнняў старшыня аддзела фізічнай культуры, спорта і турызма гарвыканкама адзначыў, што вельмі важна развіваць турызм у горадзе, надзяляць увагу краязнаўчым маршрутам. Аднак выходзіць, што ўлады проста ўстаўляюць нам палкі ў колы».

На жаль, нам не ўдалося высвятліць, хто ж аддаў загад участковым папярэджваць экскурсаводаў аб небяспечнасці правядзення экскурсій.

Начальнік аддзялення інфармацыі і грамадскіх сувязей пры ўпраўленні ўнутраных спраў Гродзенскага аблвыканкама Георгій Яўчар адмовіўся каментаваць дзеянне ўчастковых міліцыянераў, паколькі пра адмену фестываля даведаўся толькі ад карэспандэнта «ТиО». А начальнік міліцыі грамадскай бяспекі Уладзімір Сацюк адзначыў, што асабіста ён ніякіх распараджэнняў участковым міліцыянерам не даваў, таму каментаваць правамернасць іхніх дзеянняў не можа.

Спецыяліст аддзела фізічнай культуры, спорта і турызма гарвыканкама Віталь Братанюк кажа, што ўлады не выступаюць супраць падобных мерапрыемстваў. «Ёсць недапрацоўка арганізатараў фестываля. Па Законе «Аб масавых мерапрыемствах у Рэспубліцы Беларусь», яны мусілі падаць у гарвыканкам заяўку на правядзенне фестываля. Ні наш аддзел, ні аддзел ідэалогіі не атрымліваў ніякіх дакументаў. Між тым рэклама ў інтэрнеце і СМІ аб мерапрыемстве праходзіла. Невядома хто прыйдзе на гэты фестываль, таму, напэўна, міліцыя і зацікавілася мерапрыемствам. Мы ўвесь час атрымліваем заяўкі на правядзенне спаборніцтваў, сустрэч, і я нават не памятаю ніводнай адмовы з пачатку 2012 года. Таму арганізатарам фестывалю проста трэба падрыхтаваць дакументы і падаць нам на разгляд», – запэўніў чыноўнік.

Па словах старшыні Беларускай грамадскай арганізацыі экскурсаводаў і гідаў-перакладчыкаў Мікалая Чырскага, за ўсю гісторыю фэсту такое здарылася ўпершыню. «Напярэдадні фестывалю мы не падалі адпаведны ліст у мясцовыя органы кіравання. У гэтым наша памылка. Аднак ні ў адным іншым горадзе праблем з гэтым не ўзнікала. Спадзяюся, што сітуацыя выправіцца – мы падрыхтуем адпаведную дакументацыю, наладзім кантакт з гродзенскімі чыноўнікамі і атрымаем дазвол на фестываль праз некалькі тыдняў», – адзначыў суразмоўца.

Рубрики: Общество Скандалы

Страны: Беларусь


Комментарии

Аватар

25.04.2012 20:27
Наталья
ответить

Больше трёх не собираться...
Аватар

30.04.2012 14:59
Anonymous
ответить

беззубый материал. И не видна позиция ТиО. Так, абстрактно-сочувстствующая. В адрес "проклятых москалей" убедительнее получается кулаками потрясать. На мой взгляд, проблема заслуживает редакционной статьи
Аватар

08.05.2012 02:13
Ян
ответить

петушары в форме
Аватар

13.05.2012 03:09
Anonymous
ответить

на карысьць турызму толькі словы((

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах