<p>Другі па ліку марафон сяброўства Друскінінкай–Гродна стартаваў у літоўскім курорце 29 ліпеня а 9-й гадзіне раніцы</p>
Разам з суддзямі і заўзятарамі лёгкай атлетыкі на фінішы марафонцаў сустракала і фотакарэспандэнтка «Твайго стылю».
Другі па ліку марафон сяброўства Друскінінкай–Гродна стартаваў у літоўскім курорце 29 ліпеня а 9-й гадзіне раніцы.
Найстарэйшаму ўдзельніку (на здымку ніжэй) – 71 год. Наймалодшаму марафонцу ў маі споўнілася 18.
За пяць гадзін атлеты з Беларусі, Літвы, Польшчы, Расіі і яшчэ некалькіх краін павінны былі пераадолець дыстанцыю ў 42 км і 195 м праз прапускны пункт у «Прывалцы», Гожу, Зарыцу, Грандзічы, вуліцы Гродна.
Фінішавалі спартсмены на тэрыторыі стадыёна «Нёман» у Гродне.
Сярод тых, хто дабраўся да фінішу, былі і сямейныя пары.
Доўгачаканыя водныя працэдуры.
Некаторыя з бегуноў адразу пасля фінішу акуналіся ў фантан.