На працягу двух гадоў нашчадкі старажытнага ірландскага роду О’Руркаў змагаліся з мясцовым выканкамам за радавы маёнтак, што месціцца ў мястэчку Уселюб на Навагрудчыне. Пасля доўгіх перапісак і спроб выставіць маёнтак на аўкцыён, увесну гэтага года будынак радавога гнязда О’Руркаў пры невысветленых дагэтуль абставінах згарэў
Зараз прамы нашчадак гэтага роду – граф Алег О’Рурк з дапамогай валанцёраў спрабуе аднавіць радавы склеп ва Уселюбе, разрабаваны за часамі камуністычнай улады:
– Дом згарэў, я пасля гэтага не хадзіў у Навагрудскі выканкам. Шчыра кажучы, у мяне пасля ўсёй гэтай гісторыі няма жадання туды ісці. Я ведаю іх стаўленне, на словах усе нібы падтрымліваюць, перажываюць, а на справе ні рэальнай дапамогі, ні падтрымкі, поўная абыякавасць.
А пакуль мясцовыя ўлады вырашаюць, што рабіць з уласнасцю О’Руркаў, яна з часам беззваротна знікае.
Карэспандэнт
Граф Алег О'Рурк у падзямеллі радавой крыпты
Гісторык-геніолаг Отта Кар фон Адэркас займаецца разборам і ідэнтыфікацыяй пахавальных мармуровых пліт О'Руркаў
Рэшткі пліт разбітых невядомымі вандаламі
Лаз у падземную крыпту
Радавы склеп О’Руркаў звонку
Год пабудовы склепу выбіты на падмурку (1839 г.)
Рэшткі сядзібы О'Руркаў, знішчанай пажарам у маі гэтага года