Легальна прыпаркаваць турыстычны транспарт у цэнтры Гродна  фактычна немагчыма

20.09.2012 - Новости

Легальна прыпаркаваць турыстычны транспарт у цэнтры Гродна фактычна немагчыма

Размовы аб наданні Гродна статуса «горада-музея» ды ператварэнні яго ў «турыстычную меку» вядуцца ўжо не адзін дзясятак год. Праграма па захаванні і аднаўленні гісторыка-культурнай спадчыны пад ёмістай назвай «Спадчына» была прынята яшчэ ў 1990 г. З таго часу рэгулярна падаўжаецца тэрмін яе дзеяння (1993, 1995, 1997, ...2011), але не рэалізацыя: якасная рэстаўрацыя будынкаў, адкрыццё новых музеяў, галерэй...

Вось і ў час апошняга абмеркавання сітуацыі ў Гроднаграмадзянпраекце ў чэрвені гэтага года высветлілася, што для статуса паўнавартаснай «турыстычнай мекі» гораду нестае як помнікаў з шыльдамі, так і прыбіральняў, пляцовак агляду, стаянак для турыстычнага транспарту, паведамляе «Твой стыль».

Спынімся на апошнім пункце: аказваецца, турыстычных стаянак у горадзе чамусьці робіцца не больш, а менш. Самы яскравы прыклад – фактычная ліквідацыя стаянкі каля Каложскай царквы, на месцы старога кола агляду. Каложская царква – адзін з галоўных турыстычных аб'ектаў горада – знаходзіцца на пэўнай адлегласці ад цэнтра, таму пешшу туды турысты зазвычай не ходзяць.

1  

На старой стаянцы ў Каложскім парку засталіся толькі будаўнічыя вагончыкі

Пасля пабудовы новага парафіяльнага цэнтра РПЦ і добраўпарадкавання тэрыторыі на месцы былой стаянкі стаіць знак «пешаходнай зоны». Здавалася б: новую стаянку зрабілі побач, у чым праблема? Там, аднак, з цяжкасцю развернецца і адзін вялікі аўтобус пры ўмове, што побач не будзе іншага транспарту... У выніку турысты ўсё адно паркуюцца на старым месцы, кожны раз рызыкуючы заплаціць штраф у пару соцень тысяч – летам такія прэцэдэнты ўжо былі.

2  

«Мікрастаянка» каля Каложскай царквы

Папулярнай сярод турыстаў з'яўляецца «стаянка» на ўзбочыне дарогі паміж Старым і Новым замкамі, пад схілам Замкавай гары. Яна пры гэтым таксама нелегальная, то бок любы там прыпаркаваны аўтобус можа быць аштрафаваны, а ў дадатак яшчэ і не вельмі бяспечная – транспарт там стаіць фактычна на крутым схіле.

3  

Традыцыйнае месца паркоўкі для турыстаў – пад Старым замкам. Здымак touroid.ru

Стаянка каля драматычнага тэатра – ведамственная, на невялічкай пляцоўцы каля гасцініцы «Нёман» ледзь хапае месца легкавым аўто... Застаюцца яшчэ дзве пляцоўкі: былая платная стаянка каля сінагогі ды каля крамы «Крышталь». Першая актыўна выкарыстоўваецца турыстамі, другая – значна менш з прычыны цяжкасці ў пераводзе вялікай групы людзей праз ажыўленую вуліцу Вялікую Траецкую. Але ж згодна з прагнозамі гродзенскіх чыноўнікаў, гэтыя тэрыторыі будуць запатрабаваныя ў наступным годзе дзеля пабудовы «дублёра Вялікай Траецкай», пра што неаднойчы казаў намеснік старшыні гарвыканкама Уладзімір Дзяшко.

4  

Пустка на месцы былой стаянкі каля сінагогі

Атрымліваецца, што легальна прыпаркаваць турыстычны транспарт у цэнтры фактычна немагчыма. Уявіце сабе, што вас настойліва запрашаюць у рэстаран, дзе няма посуду, а тых, хто прыходзіць са сваім, – «штрафуюць». На такім фоне ўсе размовы пра смачную кухню падаліся б здзекам.

5  

Стаянка на Вялікай Траецкай

P. S. Канец лета зусім не азначае канец турыстычнага сезона. Наперадзе школьныя вакацыі, цягам якіх у наш горад пацягнуцца аўтобусы з падлеткамі з Мінска, Брэста, Ліды...

Алесь Кіркевіч 

Здымкі аўтара і touroid.ru

Рубрики: Проблемы

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах