У Дзеда Мароза з'явілася новая сядзіба. Размешчана яна ў маляўнічым кутку Гродзеншчыны на беразе Альбярцінскага возера. Прымаць гасцей казачны персанаж зможа цяпер і ў Слоніме. У сядзібным комплексе Альбярцін рыхтуюцца да прыезду Дзеда Мароза, паведамляе
Да адкрыцця яго сядзібы застаецца адзін дзень, расказала дырэктар Маладзёжнага центра Інэса Данілевіч. Хутка былы маёнтак сям'і Пуслоўскіх ператворыцца ў навагодні цэнтр.
– Наш будынак знаходзіцца ў цікавым месцы. Карыстаецца попытам. З задавальненнем бацькі з дзецьмі ў выхадныя дні прыязджаюць сюды. Яны тут гуляюць па парку, прыходзяць на свята. Тут вельмі прыгожа. Ёсць возера. Можна пакатацца на лыжах, на каньках – адпачынак для ўсёй сям’і.
Сядзіба Дзеда Мароза ў Слоніме аднаўляе сваю працу. На працягу апошніх год яна адкрываецца напярэдадні навагодніх святаў і завяршае прымаць наведвальнікаў пасля таго, як яны скончацца. Гасцям прапануюць пакатацца на санях, стаць сведкам тэатралізаваных прадстаўленняў, спазнаць таямніцу казачнага горада, паўдзельнічаць у гульнях і забавах, а галоўнае, сустрэцца з Дзедам Марозам. У яго для гродзенцаў падрыхтаваны свае сюрпрызы і падарункі.
Вадзім Батура