Віншуем, спадарства, мы перажылі канец свету недарэмна — праект Kрай.by яшчэ не паказаў і паловы непаўторных мясцін нашай Радзімы!
Сёння каманда праекта выпраўляецца на мяжу Беларусі і сягае cамага краю ўяўленняў пра фантастычныя магчымасці айчыннага дойлідства. Мы едзем у месца, дзе быў народжаны адзін з нямногіх беларусаў, чыім iмем называюць горныя хрыбты і ўнікальныя віды раслін.
Знайсці гэтае месца самому часам не так і проста, бо нават сучасныя навігатары часцяком даюць збой пры ягоным пошуку. Між тым кожны, хто знайшоў і пабачыў на ўласныя вочы векавую прыгажосць касцёла Святой Тройцы і прайшоўся між анёлаў ды літоўскіх крыжоў касцельнага саду, ужо мае патэнцыял стаць новым Iгнатам Дамейкам. А хто не пабачыў, гайда з намі, магчыма, новы нацыянальны герой якраз сярод нас!
Інфармацыйныя партнёры праекта: