Пра гераічны час у гісторыі нашай краіны распавядаюць дзецям на Брэстчыне. Жабінкаўскі журналіст, пісьменнік і адначасова гісторык Анатоль Бензярук выдаў кнігу пад назвай «Мячы Грунвальда, або Дванаццаць абаронцаў караля», паведамляе
Анатоль Бензярук патлумачыў, чаму тэмай кнігі была абрана менавіта Грунвальдская бітва:
– Праблема і бітва пад Грунвальдам, гэта той унёсак беларусаў у гісторыю, які пакінуў глыбокі след не толькі ў нашай гісторыі, нашага народа, гэта ўвогуле была агульнаеўрапейская падзея. Вельмі гучная па тых часах. З яе практычна наша гісторыя і стала на свае ногі.
«Гісторыя можа быць цікавай для людзей любога ўзросту. Яна можа навучыць таму, чаму не можа навучыць ніводная іншая навука», – падагульніў Анатоль Бензярук. З яго слоў, для чалавека важна ведаць сваё мінулае, мінулае свайго народа, каб разумець сваё месца ў гісторыі і сучаснасці.
Агульны наклад кнігі складае 2000 асобнікаў, большасць з якіх разыйшлася па бібліятэках.