На веласіпедах па Браслаўшчыне

30.06.2013 - Новости

На веласіпедах па Браслаўшчыне

З 24 па 29 чэрвеня грамадскае аб’яднанне «Адпачынак на вёсцы» арганізавала для групы веласіпедыстаў з Фінляндыі тур па Браслаўскім, Міёрскім і Расонскім раёнах

З 24 па 29 чэрвеня грамадскае аб’яднанне «Адпачынак на вёсцы» арганізавала для групы веласіпедыстаў з Фінляндыі тур па Браслаўскім, Міёрскім і Расонскім раёнах, паведамляе «Браслаўская звязда».

У Браславе турысты адпачывалі на аграэкасядзібе «Петухоўшчына» з 24 па 26 чэрвеня. Пасля таго, як яны ўладкаваліся, пасмакавалі духмянай юшкі, адправіліся на веласіпедах на экскурсію па Браславе. Іх вельмі ўразіла прырода, прыгажосць і дагледжанасць райцэнтра. А на наступны дзень турысты раздзяліліся на тры групы: першая, у склад якой уваходзілі найбольш вынослівыя і падрыхтаваныя веласіпедысты, рушылі на гару Маяк, у Краснагорку, Слабодку. Суправаджаў іх у паездцы наш мясцовы веласіпедыст са стажам Генрых Дзямідка. Дзве астатнія групы наведалі Слабодку, дзе пабылі ў касцёле і на озавай градзе.

Хачу выказаць шчырую падзяку супрацоўнікам пагранслужбы, якія аператыўна далі дазвол групе праехаць транзітам па тэрыторыі прыгранічнай зоны, і ксяндзу Лешэку, які адкрыў касцёл у Слабодцы, каб яго маглі наведаць турысты.

Вечарам веласіпедысты вярнуліся на сядзібу стомленыя, але задаволеныя. А ўжо раніцай наступнага дня адправіліся ў Міёрскі раён на балота Ельна. Запланавана была ў іх і экскурсія з начоўкай у Зачарэўе. Затым іх шлях ляжаў у в. Клясціцы, дзе шмат гадоў працуе зялёны маршрут «Блакітныя каралі Расоншчыны».

Тур па Віцебскай вобласці заказала жыхарка Фінляндыі, якая шмат гадоў таму назад была ў турыстычнай паездцы па Беларусі і ў Мінску. Ёй у нас вельмі спадабалася, і жанчына марыла прыехаць сюды менавіта на веласіпедную экскурсію.

1

Група была рознаўзроставая. Асабліва ўразіла руска-фінская сям’я, якая жыве ў прыгарадзе Хельсінкі. Яны вельмі любяць падарожнічаць менавіта на веласіпедах, бо гэта не толькі зручна, а і экалагічна. Сям’я вегетарыянская. Але яны не ўстрымаліся, каб не паспрабаваць «маякоўскую» каўбасу, прыгатаваную на грылі.
У іх маленькі чатырохгадовы сын. З бацькамі на веласіпедзе хлопчык падарожнічае з шасцімесячнага ўзросту. Для яго спецыяльна абсталяваны веласіпед.

2

Сям’я падарожнічае таксама па Расіі, Украіне. На наступны год яны маюць намер сабраць большую каманду аматараў такіх прагулак і зноў прыехаць на Браслаўшчыну.

Юлія Герцава

Рубрики: Активный Отдых Активный Туризм

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах