Пра гэта паведамілі карэспандэнту
Раней нацыянальную візу ў Харватыю можна было атрымаць за 35 еўра (паскораную — за 71 еўра).
Цяпер віза будзе каштаваць 60 еўра, прычым няма магчымасці атрымаць яе паскорана. Змяніўся і тэрмін выдачы візы: калі раней яе можна было атрымаць за тры дні, то цяпер — за 10.
«Пакуль што ад іншых каментарыяў харвацкі бок адмаўляецца. Я яшчэ пакуль не бачыла новую візу, але мяркую, што яна можа быць шэнгенская. Яны будуць максімальна набліжаны да шэнгену. Анкета ў іх ужо мае выгляд шэнгенскі. А пры наяўнасці шматразовай шэнгенскай візы можна ўязджаць на тэрыторыю Харватыі ў межах дзеяння такой візы», — сказалі ў візавым цэнтры ў Мінску.
На сайце амбасады Харватыі ў Расіі пакуль паведамляецца, што спрошчаны ўезд у Харватыю для грамадзян Беларусі застанецца да 31 снежня 2013 года.
1 ліпеня Харватыя стала 28-м сябрам Еўрапейскага Звязу.
Алесь Дашчынскі