Жыхары Віцебскай вобласці могуць атрымаць візу ў Польшчу таксама ў латвійскім консульстве, паведамляе
Віцебская вобласць налічвае каля 350 000 жыхароў. Яны могуць атрымаць візы шэнген у консульстве Латвійскай Рэспублікі ў Віцебску. Гэта стала магчымым дзякуючы дасягнутаму пагадненню. Яшчэ ў 2012 годзе ў Рызе міністр замежных спраў Польшчы Радаслаў Сікорскі і міністр замежных спраў Латвіі Эдвард Рынкевіч падпісалі дамову пра ўзаемнае візавае прадстаўніцтва.
Дамова тычыцца віз, якія даюць права ўезду і знаходжання на тэрыторыі зоны Шэнген на тэрмін не больш за 3 месяцы. Яна не датычыць віз, якія выдаюцца ў сувязі з працай, навучаннем або ў сувязі з іншай дзейнасцю, для ажыццяўлення якой патрэбны адмысловы дазвол.
Акрамя Латвіі Польшча падпісала падобныя дамовы з пяццю іншымі краінамі Еўразвяза: Эстоніяй, Галандыяй, Славакіяй, Славеніяй і Швецыяй. Гэта дае магчымасць атрымання візы на ўезд у Польшчу ў тых рэгіёнах, дзе няма польскіх консульстваў.