Cярод твораў Канута Русецкага, прадстаўленых на выставе ў замкавым комплексе «Мір», будзе і першая ў свеце выява Мірскага замка.
Адкрыецца выстава 26 ліпеня, паведамляе
Наведнікі ўбачаць 27 эскізаў і акварэльных малюнкаў з альбома 1844–1846 гадоў, які ўзнік падчас падарожжаў мастака па Літве і Наваградчыне.
«Альбом Русецкага мае вялікае навуковае значэнне для даследавання побыту, штодзённага жыцця жыхароў літоўскіх і беларускіх гарадоў, – растлумачыў намеснік дырэктара замкавага комплекса «Мір» Андрэй Янушкевіч. – Малавядомы ў Беларусі малюнак з выявай Мірскага замка – бадай што першая выява замка, вядомая на сённяшні дзень, – фактычна запачаткаваў традыцыю рамантычнага адлюстравання беларускай старажытнай архітэктуры ўвогуле».
Альбом Канута Русецкага цікавы не толькі як каштоўнае іканаграфічнае адасабленне пэўных гістарычных мясцін, але перадусім як мастацкі погляд тагачаснага віленскага творцы на Наваградчыну і Віленшчыну праз прызму яго ўласнай ідэнтычнасці, мастацкіх густаў і яго вялікага таленту.
Канут Русецкі, Наваградак
Выстава арганізавана сумесна з Бібліятэкай Літоўскай акадэміі навук імя Урублеўскіх. Адметнай асаблівасцю гэтага праекта будзе выданне каталога выставы. Выстава працягнецца да 30 жніўня.
Анэля Нядзведзіч