Так называецца новае турыстычнае выданне па Берасцейшчыне, якое змяшчае ў сябе аповед пра ўсе раёны вобласці, шмат фотаздымкаў і інфармацыі пра турыстычную інфраструктуру рэгіёна, паведамляе
Кніга выдадзена ў Мінску некалькі месяцаў таму, але ў некаторых рэгіёнах Берасцейшчыны з’явілася нядаўна і ў абмежаванай колькасці. Тэкст падрыхтавалі Таццяна Хвагіна і Анатоль Варава, а фотаздымкі – Сяргей Плыткевіч. Выданне карыснае не толькі турыстам, але і аматарам гісторыі, экскурсаводам.
«Шмат ідэй, але, на жаль, не ўсё можаш рэалізаваць з-за непаразумення з чыноўнікам,» – кажа адзін з аўтараў Таццяна Хвагіна.
– Трэба мусіць мець і смеласць, і напор, і настрой. Як бы на мяне не плявалі, як бы ў мой бок камяні не кідалі, а я ж пайду далей, таму што гэта раблю не для сябе, а раблю для горада, для гэтага рэгіёна, для той правы, якой займаюся. Вельмі шмат такіх людзей, у якіх былі ідэі і яны ў рэшце рэшт вырашылі: не буду я з вамі звязвацца.
Каб лепш ацаніць архітэктурнае і гістарычнае багацце Берасцейшчыны, кніга змяшчае карты з нанесенымі на ёй каштоўнасцямі. Акрамя таго, у кнізе прадстаўлены самыя папулярныя турыстычныя маршруты па рэгіёну.
Пятро Савіч