Як паведамляе «Дзянніца» (цалкам гл. па спасылцы):
Гэты год быў для мяне вельмі напружаным, – прызнаецца загадчык і па сутнасці стваральнік дома-музея Уладзімір Уладзіміравіч Сянюта. – Трэба было перш-наперш вывучыць гісторыю гэтай незвычайнай сям’і, рэканструяваць абстаноўку, вярнуць дому атмасферу 40–50-х гадоў.
Вялікі дзякуй за дапамогу жыхарам Старых Васілішак. Ніхто не застаўся абыякавым да гэтай святой справы, кожны зрабіў свой унёсак у тое, што сёння музей Чэслава Немана зацікавіў мноства турыстаў.
Тут ужо не адна сотня экспанатаў і цікавых фотаздымкаў, карцін і кніг. Вялікая цікавасць адчуваецца як з боку землякоў Чэслава Немана, так і турыстаў з усіх куточкаў Беларусі, Расіі, Украіны, Польшчы.
Сярод ганаровых гасцей музея быў нават другі сакратар Пасольства Германіі, мноства творчых людзей, а, да прыкладу, школьнікі з Забалацкай школы прыязджалі сюды вывучаць матэрыялы, каб напісаць рэфераты.
Татьяна Ступакевич