У нацпарку «Нарачанскі» пад коламі аўто загінула 15 дзікіх жывёл

25.08.2011 - Новости

У нацпарку «Нарачанскі» пад коламі аўто загінула 15 дзікіх жывёл

За паўгода на аўтадарогах, якія праходзяць па тэрыторыі нацыянальнага парка, пад коламі машын загінула 15 дзікіх жывёл

За паўгода на аўтадарогах, якія праходзяць па тэрыторыі нацыянальнага парка, пад коламі машын загінула 15 дзікіх жывёл, перадае БелаПАН.

Пра гэта паведаміў начальнік аддзела аховы жывёльнага свету, вадаёмаў і паляўнічай гаспадаркі нацпарка Эдуард Васілеўскі. Паводле ягоных словаў, людзі ў гэтых дарожна-транспартных здарэннях не пацярпелі. У асноўным ДТЗ адбываліся ў начны час, калі аўтамабілі рухаліся са значнай хуткасцю, ігнаруючы знакі, якія папярэджваюць пра магчымасць з'яўлення на дарозе дзікіх жывёл. Аўтамабілі часцей за ўсё збівалі казуль, дзікоў, а зімой — таксама ласёў, якія выходзяць на шашу паласавацца соллю.

Спецыяліст адзначыў, што часам пазбегнуць сутыкнення было аб'ектыўна цяжка: перад аўтамабілем на дарогу выскоквала не адна жывёла, а, напрыклад, статак дзікоў.

Нягледзячы на гэта, у найбліжэйшы час у нацпарку не плануецца ўстаноўка сеткавай агароджы, якая б перашкаджала выхаду жывёл на праезную частку. Агароджы такога кшталту ўстанаўліваюцца ў нацпарках у шэрагу краін ЕС, аднак лясныя масівы парка «Нарачанскі», на думку Васілеўскага, агарадзіць нерэальна: агульная плошча складае 209 тыс. га.

У выпадку, калі жывёла раптоўна выскачыла на дарогу, спецыялісты раяць адразу затармазіць і даць жывёліне спакойна сысці з дарогі. Аб'язджаць такіх удзельнікаў траспартнага руху трэба толькі ззаду.

Рубрики: Происшествия

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах