Нягледзячы на пажар у «Дудутках», фестываль «Рок-Млын» на гэтых выхадных пройдзе менавіта там. І ўсе выручаныя  ад продажу квіткоў сродкі пойдуць на аднаўленне  музейнага комплексу

У шэрагу заяўленых  на фестывалі груп  «Мутнае вока», «Вектар Эга», Seven seals, LiteSound, «Без панікі», «Астэнія» і IQ48.

Квіткі на фэст будуць каштаваць 30 000 руб. Арганізатары заклікаюць падтрымаць музей у гэты складаны час і спадзяюцца, што ўсе ўдзельнікі мерапрыемства будуць мець магчымасць добра правесці суботні дзень 17 верасня. Пачатак у 11.30.


«Дудуткі» працягваюць працу.  Адміністрацыя комплексу заявіла, што турысты могуць і далей наведваць іх мерапрыемствы і сам комплекс. Падчас пажару пашкоджана 10% ад усяго музейнага фонду. Прычыны здарэння зараз высвятляюцца.