Як паведамляе газета «Родныя вытокі»:

Дрывасек з сяброўкай, якія дружна пілуюць дровы, сталі своеасаблівай экзотыкай чыгуначнага вакзала станцыі Параф’янава. Пасажыры здзіўлена спыняюцца, убачыўшы сімпатычную пару, мясцовыя жыхары, асабліва моладзь, лішні раз прыходзяць на вакзал, каб паглядзець на тое, што могуць умелыя рукі таленавітага чалавека.

Сваім жыццём дрывасекі, як і іншыя цудоўныя вырабы на тэрыторыі вакзала, абавязаны былому начальніку станцыі Уладзіміру Петрашкевічу. Дарэчы, і на ўласнай сядзібе Уладзіміра Пятровіча ёсць чаму падзівіцца. Фантазія яго бязмежная, а жаданне творчасці прысутнічае заўсёды. Дзякуючы гэтаму і з’яўляюцца на свет жартоўныя скульптуры, якія дораць людзям добры настрой.

Фота В. Чарвінскага.